ނިއުދިއްލީގައި ދިރިއުޅޭ ދިވެހިންނާ ރައީސް ބައްދަލު ކުރެއްވުން
2024-10-07 11:09:40
ނިއުދިއްލީގެ އައިސީޓީ މޯރިއާ ހޮޓެލްގައި ދިވެހިންނާ ބައްދަލުކުރައްވައި ވާހަކަފުޅު ދައްކަވަމުން ރައީސް ވިދާޅުވީ، ކޮންމެ ގައުމަކަށް ދަތުރުކުރައްވާ އިރު ވެސް، އެގައުމެއްގައި އުޅޭ ދިވެހީންނާ ބައްދަލުކުރުމަކީ އެމަނިކުފާނު ކުރާހިތުން ކުރައްވާ ކަމެއް ކަމަށެވެ. ރައީސް ވަނީ ނިއުދިއްލީގައި ދިރިއުޅޭ ދިވެހިންނާ ވަކިވަކިން ބައްދަލުކުރައްވާ އެފަރާތްތަކަށް ބޭނުންވާނެ އެހީތެރިކަން އޮޅުންފިލުއްވާފަ އެވެ. އަދި ދިވެހި ހާރިޖިއްޔާއާއި ދިއްލީގެ ކޮންސުލް މެދުވެރިކޮށް ކޮންސުލަރ ހިދުމަތްތައް ފަސޭހަކޮށްދެއްވާނެކަމަށްވެސް ރައީސް ވިދާޅުވި އެވެ. އިންޑިއާގެ ރައީސް ދުރޫޕަދީ މުރުމޫގެ ދައުވަތަކަށް އިއްޔެ ފެއްޓެވި ދަތުރުފުޅުގެ ތެރެއިން ދިއްލީގެ އިތުރުން އާގަރާ އަށާއި މުމްބާއީ އަދި ބެންގަލޫރަށް ވެސް ރައީސް ވަޑައިގަންނަވާނެ އެވެ.
