ނަސްރުގެ ދުވަހުގެ ރަސްމީ ޖަލްސާ
2024-11-04 10:28:03
ނަސްރުގެ ދުވަސް ފާހަގަކުރަނީ ނަވާރަސަތޭކަ އަށްޑިހަ އަށްވަނަ އަހަރުގެ ނޮވެމްބަރު މަހުގެ ތިންވަނަ ދުވަހު ގައި އަވަށްޓެރި ސްރީލަންކާގެ ތަމަޅަ ހަނގުރާމަވެރިންގެ ބަޔަކު ގޮވައިގެން ދިވެހީންގެ ބަޔަކު ރާއްޖޭގެ ވެރިރަށް މާލެއަށް ހަމަލާދިން ދުވަހާ ގުޅުވައިގެންނެވެ. އެ ހާދިސާއަށް މިއަދު 36 އަހަރު ވަނީ ފުރިފަ އެވެ. އެ ދުވަހު، ދިން ނުރައްކާތެރި އުދުވާނީ ހަމަލާގައި ސިފައިންގެ 8 ބޭކަލަކާއި އާންމުންގެ 11 މީހުން ހިމެނޭހެން 19 ދިވެއްސަކު ޝަހީދުވި އެވެ. ނަސްރުގެ ދުވަސް ފާހަގަ ކުރުމުގައި މިފަހުން ފަޑުކަމެއް އައި ނަމަވެސް މި ސަރުކާރުން މި އަހަރުގެ ނަސްރުގެ ދުވަސް ވަނީ ކުލަ ގަދަކޮށް ފާހަގަކޮށްފަ އެވެ.
