ސަރުކާރަށް އެއް އަހަރު ފުރުން ފާހަގަކުރުން
2024-11-18 17:52:08
ސަރުކާރަށް އަހަރެއް ފުރުން ފާހަގަކުރުމަށް ރޭ ސޯޝަލް ސެންޓަރުގައި ބޭއްވި ހަފްލާގައި ރައީސް މުއިއްޒު ހަރުއަޑުން ރިސޯޓް އޯނަރުންނަށް ގޮންޖައްސަވައި ވިދާޅުވީ، "ޖެހޭނީ ގަވައިދަށް އަމަލުކުރަން" ކަމަށެވެ. އަދި "އުސޫލު ބަދަލު ނުކުރާނަން، ސާފުކޮށް މިބުނީ ނުކުރާނަން" ކަމަށް އަޑަށް ބާރު ލައްވާ ވިދާޅުވި އެވެ. މި ޖަލްސާގައި ރައީސް މުއިއްޒު ވަނީ ސަރުކާރުގެ އެއް އަހަރު ތެރޭގައި ކުރެވުނު ބައެއް މުހިއްމު ކަންތައް ފާހަގަކޮށް ވާހަކަފުޅު ދައްކަވާފައި އެވެ. މި ޖަލްސާގައި ރައީސް ޑރ މުހައްމަދު މުއިއްޒާއި ނައިބު ރައީސް ހުސައިން މުހައްމަދު ލަތީފް އަދި ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲގެ އިތުރުން މިނިސްޓަރުންނާއި ޕީއެންސީގެ އާންމު މެމްބަރުން ބައިވެރިވި އެވެ.
