މުޅި ޑިޒައިނަށް ބަދަލު ގެނެސް، ރަސްމީ ފާލަން އަލުން ހުޅުވުން
2025-02-28 11:41:19
މުޅި ޑިޒައިނަށް ބަދަލު ގެނެސް، ރަސްމީ ފާލަން މަރާމާތުކޮށް ނިންމައިލުމަށްފަހު ރޭ އަލުން ހުޅުވައިފި އެވެ. އާ ފާލަން ފަރުމާކޮށްފައިވަނީ، ރާއްޖޭގެ ފުރަތަމަ ރައީސް މުހައްމަދު އަމީންގެ ވެރިކަމުގައި ބޭނުންކުރެއްވި ރަސްމީ ފާލަމާއި، ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ބޭނުންކުރެއްވި ރަސްމީ ފާލަމުގެ ފަރުމާއަށް ބަލައިގެންނެވެ. ފާލަން އަލުން ތަރައްގީކުރުމުގެ މަޝްރޫއު 11.7 މިލިއަން ރުފިޔާއަށް ހަވާލުކުރީ އެމްޓީސީސީއާއެވެ. މަސައްކަތް ނިންމުމަށްފަހު މިރޭ ފާލަން ރަސްމީކޮށް ހުޅުވައިދެއްވީ ރައީސް ޑރ. މުހައްމަދު މުއިއްޒެވެ. ފާލަން ހުޅުވައިދެއްވުމަށްފަހު ވާހަކަފުޅުދައްކަވަމުން ރައީސްވަނީ އިއްޒުއްދީން ފާލަމުން މިހާރު ރަމްޒުކޮށްދެނީ، ދިވެހިވަންތަކަމާއި، ދިވެހި ފަންނުވެރިކަމާއި، ދިވެހި މާޒީ އާއި މުސްތަގު ބަލުކަމަށެވެ.
