ސަރުކާރު ހިންގާ ޕާޓީ ޕީއެންސީން ބޭއްވި ޖަލްސާ
2025-10-02 14:04:18
ދުވަސްތަކެއްގެ މެދުކެނޑުމަކަށް ފަހު، ސަރުކާރު ހިންގާ ޕާޓީ ޕީއެންސީން ރޭ ވަނީ ބޮޑު ޖަލްސާ އެއް ބާއްވާފަ އެވެ. އެ ޕާޓީގެ ހަރުގޭގައި ރޭ އޮތް ޖަލްސާގައި ރައީސް ޑރ. މުހައްމަދު މުއިއްޒު ހިމެނިވަޑައިގަންނަވާހެން އެ ޕާޓީގެ އިސް ބޭފުޅުން ބައިވެރިވެވަޑައިގަތެވެ. އަދި އެ ޕާޓީގެ ގިނަ އަދަދެއްގެ ސަޕޯޓަރުން ބައިވެރިވި އެވެ. އެ ފޯރިގަދަ ޖަލްސާގައި ރައީސް މުއިއްޒު ވިދާޅުވީ، ރިޔާސީ ކެމްޕެއިންގައި އެ މަނިކުފާނު ރައްޔިތުންނަށް ވެވަޑައިގެންނެވި ހުރިހާ ވައުދެއް ހަނދުމަފުޅުގައި އެބަހުރި ކަމަށެވެ.
