އިދިކޮޅު އެމްޑީޕީން ރޭ މާލޭގައި ބޭއްވި އެއްވުން
2025-10-04 10:24:02
ސަރުކާރާ ދެކޮޅަށް ރޭ ނުވައެއް ޖެހިއިރު އާޓިފިޝަލް ބީޗު ސަރަހައްދުގައި ފެށި ބޮޑު އެއްވުން ވަކި ހިސާބަކުން ހަމަނުޖެހުމަކަށް ބަދަލުވީ، މަޖީދީ މަގުން ލާފާއި އެއްވުމުގެ ބައިވެރިން ދާން ދިމާކުރި ހިސާބުންނެވެ. އެ ހިސާބުން ފުލުހުންނާއި އެމްޑީޕީގެ ބައިވެރިންނާ ދެމެދު ބޮޑު ކުރިމަތިލުންތަކެއް ހިނގައި 8 މީހަކު ހައްޔަރުކުރި އެވެ. އަދި އެއްވުން ކޮންޓްރޯލް ކުރަން ދޭތެރެދޭތެރެއިން ގިނަ އަދަދަކަށް ޕެޕާސްޕްރޭ ޖަހަމުން ގެންދިޔަ އެވެ. އެމްޑީޕީގެ މުޒާހަރާ ކޮންޓްރޯލް ކުރުމަށް ފުލުހުން ރޭ ވަނީ ލޯންގް ރޭޖް އެކޮސްޓިކް ޑިވައިސް -- ލާޑް ބޭނުންކޮށްފަ އެވެ. މިއީ މީހުންނަށް އުނދަގޫވާ ފަދަ ގަދަ އަޑެކެވެ.
