ޕީއެންސީން ބޭއްވި ބޮޑު ޖަލްސާ
2025-11-15 00:43:54
މިރޭގެ ޖަލްސާގެ މައިގަނޑު ބޭނުމަކީ ރައީސް މުއިއްޒުގެ ސަރުކާރަށް އަންނަ ހޯމަ ދުވަހު ދެ އަހަރު ފުރޭއިރު، ސަރުކާރަށް އޮތް ތާއީދު ދައްކާލުން ކަމަށް ޕީއެންސީން ވަނީ ބުނެފަ އެވެ. އާޓިފިޝަލް ބީޗުގައި މިރޭ ބޭއްވި ޖަލްސާގައި ރާއްޖޭގެ ކޮންމެ ރަށަކުންވެސް މީހުން ބައިވެރިވާ ކަމަށް ޕީއެންސީން މައުލޫމާތު ދީފައިވެ އެވެ. އާޓިފިޝަލް ބީޗާއި، މަޖީދީ މަގާއި ބޮޑުތަކުރުފާނު މަގުގައި އެ ސަރަހައްދު އޮތީ އެއްވި މީހުންނާ އެކު ފުރި ތޮއްޖެހިފަ އެވެ. ރައީސް ޑރ. މުއިއްޒުގެ ދެކަނބަލުން އާޓިފިޝަލް ބީޗު ސަރަހައްދަށް ވަޑައިގެންނެވިއިރު އެ ސަރަހައްދުގައި އެއްވެ ތިބި އެތައް ހާސް ބަޔަކު ރައީސް ސަލާމްކުރަމުން ގެންދިޔަ އެވެ. އެ ވަގުތު ރައީސްގެ ދެކަނބަލުންގެ އަރިހުގައި ނައިބް ރައީސް ހުސައިން މުހައްމަދު ލަތީފާއި ޕީއެންސީގެ ޗެއާޕާސަން އަދި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އާއި ރައްޔިތުންގެ މަޖިލީހުގެ ނައިބު ރައީސް އަހްމަދު ނާޒިމްވެސް ތިއްބެވި އެވެ. ރައީސް މުއިއްޒު ބީޗަށް ވަޑައިގެންނެވިއިރު އެތައް ހާސް ބަޔަކު ދިޔައީ މަގުމަތީގައި ގައުމީ ދިދައާ އެކު ތިބެ ރައީސްއަށް ތާއީދުކުރާ ކަމަށް ބުނެ އަޑުއުފުލަމުންނެވެ.
