ރައީސް މުއިއްޒު މާފަންނުގެ ރައްޔިތުންނާ ބައްދަލުކުރެއްވުން
2025-12-04 23:20:07
ރައީސް ޑރ. މުހައްމަދު މުއިއްޒު މާފަންނުގެ ރައްޔިތުންނާ މިރޭ ބައްދަލުކުރައްވައިފި އެވެ. ތާޖުއްދީން ސްކޫލުގައި ކުރިއަށްދިޔަ މި ބައްދަލުވުން ފެއްޓެވުމުގެ ގޮތުން ވާހަކަފުޅު ދައްކަވަމުން ރައީސް ޑރ. މުހައްމަދު މުއިއްޒު ވިދާޅުވީ، ކޮންމެ ރައްޔިތަކަށްވެސް ދިމާވާ މައްސަލަތައް ހައްލުކުރުމަަށް ސަރުކާރުން ވަރަށް ބޮޑު އިސްކަމެއް ދީގެން މަސައްކަތް ކުރައްވާކަމަށެވެ. މާފަންނަކީ މާލޭގެ އެންމެ ބޮޑު އެއް އާބާދީއެއް އޮންނަ ސަރަހައްދުކަން ފާހަގަކުރައްވަމުން ރައީސް ވިދާޅުވީ އެ ސަރަހައްދުގައި ދިރިއުޅޭ ރައްޔިތުންނަކީ އެންމެ ގިނަ މައްސަލަތައް ތަހައްމަލުކުރަމުންދާ ރައްޔިތުންކަމަށެވެ. އެހެންކަމުން އެ މައްސަލަތަކަށް ހައްލެއް ގެނެސްދިނުމަށް މަސައްްކަތް ކުރުމަކީ ސަރުކާރުން ހާއްސަ އިސްކަމެއް ދެއްވާކަމެއްކަމަށް އެމަނިކުފާނު ވިދާޅުވި އެވެ. ރައީސް މިފަހުން ވަނީ މައްޗަންގޮޅީ އަދި ވިލިމާލޭގެ ރައްޔިތުންނާ ބައްދަލުކުރައްވާފަ އެވެ.
