ކުޑަފަރީގައި ދިވެހީންގެ ތާރީހާއި ސަގާފަތް ރަމްޒުކޮށްދޭ މިސްކިތް
2026-02-20 01:02:34
ކުޑަފަރީގައި ދިވެހީންގެ ތާރީހާއި ސަގާފަތް ރަމްޒުކޮށްދޭ މިސްކިތް
ވިޔަފާރިވެރިޔާ އަލްފާޟިލް އަހުމަދު ސިޔާމް މުހައްމަދުގެ ހަރަދުގައި ނ. ކުޑަފަރީގައި ބިނާކުރި މި މިސްކިތަކީ މާބޮޑު މިސްކިތެއް ނޫނެވެ. ބައްޕަގެ ހަނދާނުގައި ސިޔާމް އެޅުއްވި މި މިސްކިތް ބޮޑަށް ހާއްސަކޮށްފައިވަނީ ރަށަށް އަރާ ފައިބާ ދަތުރުވެރިންނަށެވެ. މަސްޖިދު އަލް މުހައްމަދު ގާސިމްގެ ނަމުގައި ހުޅުވި މި މިސްކިތް ތަފާތުވަނީ، އެންމެ އިހުގެ ފަންނުވެރިކަން އެތަނުން ފެންނާތީ އެވެ. މިސްކިތުގެ ފާރުތަކުން ފެންނަނީ، ކުރީގައި ހިރިގަލުގައި ހުންނަ ޑިޒައިންތަކެވެ. ގުއްބެއްގެ ބަދަލުގައި ހުރީ މުންނާރެކެވެ. މުންނާރުގެ އެތެރޭގައި ހުރީ ވުލޫ ކުރެވޭ ގޮތަށެވެ. ލަކުޑީގެ ވަޑާމާއި ފުރާޅުން ވެސް ވެސް ހަމަ އިހުގެ ހުނަރުވެރިކަން ފެނެ އެވެ. މިސްކިތުގެ ހުރިހާ ޑިޒައިނެއް ވެސް ހުރީ އަތުން ކަނޑާ ނަގާފަ އެވެ.
