ވ. އަތޮޅުގެ މަޝްހޫރު "މިޔަރު ޑައިވް" ހޮހަޅަ
2026-05-23 01:29:53
ފަހުގެ ތަރީހެއްގައި ރާއްޖޭގައި ހިނގި ޑައިވިނާ ގުޅޭ އެންމެ ހިތާމަވެރި ހާދިސާގައި މަރުވި އިޓަލީގެ ޑައިވަރުންގެ ހަށިތައް ނެގުމަށް ބޭރުގެ ތަޖުރިބާކާރު ޑައިވަރުންނާއި ރާއްޖޭގެ ރިކަވަރީ ޓީމުން ހިންގި ބޮޑު އޮޕަރޭޝަނަށް ފަންނީ އެހީތެރިކަން ދިން ޑޭން ޔޫރަޕުން މިއަދު އާންމުކުރި ބައެއް ފޮޓޯތައް. މި ފޮޓޯތަކުން އެ ހޮހަޅައިގެ އެތެެރެ އޮންނަ ގޮތް ވަރަށް ރީއްޗަށް ދައްކައިދޭ. ޑޭން ޔޫރަޕުން ބުނެފައިވާ ގޮތުގައި، މި އޮޕަރޭޝަން ނިންމާލުމުގެ ގޮތުން އިއްޔެ ވަނީ އެންމެ ފަހު ޑައިވް ކުރިއަށް ގެންގޮސްފަ. މި ޑައިވްގެ މައިގަނޑު ބޭނުމަކީ ހޮހަޅައިގެ ތެރޭގައި ހުރި ތަކެތި ސާފުކުރުމާއި، ތަޙުގީގަށް ބޭނުންވެދާނެ އިތުރު ހެކިތަކެއް ހުރިތޯ ބަލައި އެތަކެތި ހޯދުން. މިގޮތުން ހޯދި ހުރިހާ ހެކިތަކެއް މިހާރު ވަނީ ދިވެހި ފުލުހުންނާ ހަވާލުކޮށްފަ
