ވިޔަފާރި ބަނދަރު ތިލަފުއްޓަށް ބަދަލުކުރުމުގެ މަޝްރޫއު
2026-10-02 12:23:16
އަންނަ އަހަރުގެ ނޮވެމްބަރު މަހާ ހިސާބަށް ނިންމަން އަމާޒު ހިފާފައިވާ މަޝްރޫއުގެ މަސައްކަތް ކުރިއަށް ގެންދާ ގޮތް ބައްލަވައިލެއްވުމަށް ރައީސް ޑރ. މުހައްމަދު މުއިއްޒު ތިލަފުއްޓަށް އިއްޔެ ކުރެއްވި ޒިޔާރަތުގެ ތެރެއިން އެމްޕީއެލްގެ ސީއީއޯ ހުސައިން ޝަރީފް މީޑިއާގައި ވިދާޅުވީ، ތިލަފުށީގައި ޕޯޓް އޮޕަރޭޝަންތައް މި މަހުގެ 27 ގައި ފަށާނެ ކަމަށެވެ. މާލޭގެ ވިޔަފާރި ބަނދަރެކޭ އެއްގޮތަށް ތިލަފުށީގައި ޕޯޓް އޮޕަރޭޝަން މިހާ އަވަހަށް ފަށަން ނިންމީ އޭނާ ވިދާޅުވި ގޮތުގައި މުދާ ބޭލުން ލަސްވެ، ކުރިމަތިވާ ދަތިތަކަށް މިހާރުން މިހާރަށް ވެސް ހައްލެއް ގެނައުމަށެވެ.
