މި ފިލްމަކީ ޖެނުއަރީ މަހުގެ 7 ގައި ޕްރީމިއާކުރި "ޕަރީ: ޗެޕްޓާ 1" ގެ ދެވަނަ ބައެވެ. މިއީ އަލީ ސީޒަން ޕްރޮޑިއުސްކޮށް، ޑައިރެކްޓްކޮށް ބަތަލުގެ ރޯލު ވެސް ކުޅެ ހަދާފައިވާ ފިލްމެކެވެ.
ޕަރީ އަކީ އަހުމަދު އަހުސަން އާއި އަލީ ސީޒަން އާއި އެކުވެގެން ޕްރޮޑިއުސްކުރާ ފިލްމެކެވެ.
ފިލްމްގެ ކާސްޓުންގެ ތެރޭގައި ޝީލާ ނަޖީބް، ރިޝްމީ ރަމީޒް، އައިޝަތު ލަމްސާ ލަތީފް، ޖުމައްޔިލް ނިމާލް، މުހައްމަދު ނައުޝާދު އަލީގެ އިތުރުން އަލީ ސީޒަން ފަދަ މޫނުތައް ފާހަގަކޮށްލެވެ އެވެ.
ގިނަ ބަޔަކު ބުނަމުން އަންނަ ގޮތުގައި ޕަރީ ގެ ފުރަތަމަ ބައި ވެގެން ގޮސްފައިވަނީ ދިވެހި ބިރުވެރި ފިލްމު އިންޑަސްޓްރީ އަށް ބޮޑު އިންގިލާބެއް ގެނައި ފިލްމަކަށް ކަމުގައި އެވެ.
އަންނަ މަހުގެ 6 ގައި ޕްރީމިއާ ކުރަން ހަމަޖެހިފައިވާ "ޕަރީ: ޗެޕްޓާ 2" ވާނީ އޮލިމްޕަހުގައި މި އަހަރު އަޅުވާ ތިން ވަނަ ފިލްމަށެވެ.
