އެސްޓީއޯ ޖެނެރަލް ޓްރޭޑިންގުން ތައާރަފުކުރި ފިލިޕްސް އޭސީއަކީ ގެތަކަށާއި އޮފީސް މާހައުލުތަކަށް އެކަށީގެންވާ ސްމާޓް ކޫލިންގް ސިސްޓަމެއް ފޯރުކޮށްދޭ އުފެއްދުމެއް ކަމަށް އެ ކުންފުނިން ބުނެފައިވެ އެވެ.
ޗައިނާގައި އުފައްދާ މި އޭސީތަކަކީ ފެންވަރު ރަނގަޅު ގިނަ ދުވަހު ގެންގުޅެވޭ އަވަހަށް ފިނިކޮށްދޭ އަދި ބޭނުންކުރަން ފަސޭހަ އޭސީތަކެއް ކަމަށް ވެސް އެ ކުންފުނިން ބުނެފައި ވެއެވެ.
މި ޕްރޮމޯޝަންގައި ފިލިޕްސް އޭސީގެ ހަތަރު ސައިޒެއް ޚާއްޞަ ޑިސްކައުންޓް އަގުތަކެއްގައި ލިބެން ހުންނާނެއެވެ. އެއީ 9000 ބީޓީޔޫ 12000 ބީޓީޔޫ 18000 ބީޓީޔޫ އަދި 24000 ބީޓީޔޫގެ އޭސީތަކެވެ.
މި ޕްރޮމޯޝަން ކުރިއަށްދާނީ 28 ޖޫން 2026 އިން 11 ޖުލައި 2026 ގެ ނިޔަލަށެވެ. ފިލިޕްސް ބްރޭންޑުގެ އޭސީތަކުގެ ހުރިހާ އުފެއްދުންތަކެއް ވެސް އެސްޓީއޯ ޕީޕަލްސް ޗޮއިސްގެ ފުރަތަމަ ފަންގިފިލާއިން ލިބެން ހުންނާނެ ކަމަށް އެސްޓީއޯއިން ބުންޏެވެ.
