ހައްސާންގެ ކުންފުންޏަކަށް ރިސޯޓް ހަދަން ދީފައިވަނީ ތ. އަތޮޅުގެ ތިން ރަށެކެވެ. މި ރަށްތައް ނެގި އަޔަތާނާއީޕް ހޮސްޕިޓާލިޓީސް ޕްރައިވެޓް ލިމިޓެޑުގައި ހިއްސާ އޮންނާނީ ހައްސާނާއި އިންޑިއާާގެ ވިޔަފާރިވެރިން ތަކެވެ.
މި ތިން ރަށް ހައްސާނުގެ ކުންފުންޏަކަށް ދިންކަމާއި އެކަމާއި ގުޅޭ ލިޔެކިޔުންތައް ސޯޝަލް މީޑިއާގައި ދައުރުވަމުން އަންނަަތީ އެކަމުގެ ހަގީގަތް އޮޅުފިލުވާދިނުމަށް މިއަދު ނޫސްވެރިޔަކު ވަނީ ރައީސް މުއިއްޒާ ސުވާލުކުރައްވާފަ އެވެ.
އެ ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ އެ ވާހަކަތައް އެމަނިކުފާނަށް އެނގިވަޑައިގެންނެވީ ބައެއް ނޫސްތަކުން ކަމަށެވެ. އެކަމާ ގުޅިގެން ސުވާލު ކުރުމުން ހައްސާންގެ ހިއްސާ އޮންނަ ކުންފުންޏަކަށް ރަށްތައް ދީފައިވާކަން އެއީ ތެދުކަން އެނގި ވަޑައިގެންނެވިކަމަށް ވެސް ރައީސް މުއިއްޒު ވިދާޅުވި އެވެ.
ރައީސް މުއިއްޒު ވިދާޅުވީ އޭނާ ސަރުކާރުގެ މަގާމެެއް ހުރެ އެފަދަ ކަމެއް ކުރުމަކީ ގަބޫލު ކުރެވޭކަމެެއް ނޫންކަމުން މިހާރު ވާނީ ވަޒީފާއިން ވަކިކޮށްފައި ކަމަށެވެ.
މީޑިއާ ރިޕޯޓްތައް ބުނާ ގޮތުން ރައީސް މުހައްމަދު މުއިއްޒަށް ބޮޑުބޭބެ ވިދާޅުވާ ހައްސާން ދީފައިވަނީ ތ. އަތޮޮޅުގައި އޮންނަ ފުއްޓާއި ވަންބަންޖާއި ކަނި އެވެ.
