ސޯޝަލް މީޑިއާގައި އާއްމުވެފައިވާ ވީޑިއޯއަކުން ފެންނަ ގޮތުގައި، ބިދޭސީ އަންހެނަކު ގަދަކަމުން ހިފަހައްޓައިގެން އުޅެނިކޮށް އެކަން ހުއްޓުވީ އެ މަންޒަރު ފެނުނު ދިވެއްސެކެވެ.
ދުވާލުގެ ވަގުތުގައި މަގުމަތީ ފިރިހެންމީހާ އެ އަންހެންމީހާ އޮބަހައްޓައި ގައިމަތީގައި އޭނާގެ އަނގަމަތީ އަތް އަޅައިގެން އިން އިރު އަންހެންމީހާ ރޮމުން ހަޅޭއްލަވަން މަސައްކަތްކުރެ އެވެ.
ވީޑިއޯކުރި މީހާ އޭނާ ދޫކޮށްލަން އެންގުމުން ދޫކޮށްލަމުން، އިންޒާރުދޭތަން ވެސް އެ ވީޑިއޯން ފެނެ އެވެ.
ފުލުހުން މިރޭ ބުނި ގޮތުގައި އެ މައްސަލަ ދަނީ ތަހުގީގު ކުރަމުންނެވެ. ނަމަވެސް، މިހާތަނަށް މީހަކު ހައްޔަރުކުރި ކަމަކަށް ފުލުހުން ނުބުނެ އެވެ.
