ޓެކްސް ނެގުމާ ބެހޭ ގާނޫނަށް މިދިޔަ އޮގަސްޓް މަހުގެ ފަހުކޮޅު ގެނައި އިސްލާހަކާ އެކު މިހާރު ވަނީ:
މިއަދުން ފެށިގެން ބޭރުގެ އެޖެންޓުން ރާއްޖޭގެ ރިސޯޓްތަކާއި ގެސްޓްހައުސްތައް ވިއްކާ ނަމަ %17ގެ ޓީޖީއެސްޓީއެއް ދައްކަން ވަނީ އަންގާފައި
އެ ފަރާތްތަކުން މީރާގައި ރަޖިސްޓްރީވާން މިހާރު ވަނީ ކެމްޕޭނެއް ވެސް ފަށާފައި
ރިސޯޓްތަކާއި ގެސްޓްހައުސްތަކުން މުއާމަލާތްކުރާ ބޭރުގެ ޓްރެވަލް އެޖެންޓުގެ ތަފްސީލްތައް މީރާއަށް އަންގަން ވަނީ ލާޒިމްކޮށްފައި
ޓޫރިޒަމް ދުވަސް ފާހަގަކުރުމުގެ ގޮތުން ބޭއްވި ހާއްސަ ހަފްލާގައި އަމީން ވިދާޅުވީ، ޓުއާ އޮޕަރޭޓަރުންނާއި ޓްރެވެެލް އެެޖެންޓުން އަތުން ޓީޖީއެސްޓީ ނަގާ ގޮތަށް ޓެކްސްއާ ބެހޭ ގާނޫނު މިދިޔަ މަހު ތަސްދީގު ކުރުމާ އެކު ޓޫރިޒަމް ދާއިރާ އާއި ބޭރުގެ ޓުއާ އޮޕަރޭޓަރުންގެ ބޮޑެތި ޝަކުވާތަކެއް ލިބިފައިވާ ކަމަށެވެ.
މިރޭގެ ރަސްމިއްޔާތުގައި އަމީން ވިދާޅުވީ، ޓޫރިޒަމް ސެކްޓަރަށް 54 އަހަރު ފުރިގެން ދިޔަ އިރު ރާއްޖޭގެ ޓޫރިޒަމަކީ ދުނިޔޭގެ އެންމެ ބޮޑު މަގްބޫލުކަމެއް ލިބިފައިވާ އެއް މަންޒިލް ކަމަށާއި އެ ހިސާބަށް އާދެވުނީ ދާއިރާގައި މަސައްކަތް ކުރި ފަރާތްތަކުގެ ބޮޑު މަސައްކަތަކުން ކަމަށެވެ.
މެދުއިރުމަތީގެ ހަނގުރާމައާ އެކު ރާއްޖޭގެ ޓޫރިޒަމަށް ބޮޑު އަސަރެއް ކުރި ކަމަށާއި އެކަމަކު އަނެއްކާ ވެސް އެ ގޮންޖެހުންތަކާ ކުރިމަތިލައި ޓޫރިސްޓުން އަންނަ ވަރު ވަރަށް ބޮޑަށް އިތުރުވެފައިވާ ކަމަށެވެ. އަދި އެ ދާއިރާ ކުރީގެ އޮތް ހާލަތަށް މިހާރު ވާސިލުވަމުން އަންނަ ކަމަށް އޭނާ ވިދާޅުވި އެވެ.
މި އަހަރުގެ ސެޕްޓެމްބަރު މަހަށް ރާއްޖެއަށް 1.5 މިލިއަން ޓޫރިސްޓުން ވަނީ އައިސްފަ އެވެ. މިއީ މިދިޔަ އަހަރަށް ވުރެ 3.4 ޕަސެންޓް ދަށްވުމެކެވެ.
