ރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. ނަޒްލާ މިހެން ވިދާޅުވީ، މާލެ ސަރަހައްދުގައި ކޮވިޑް ވެކްސިންގެ ފުރަތަމަ ޑޯޒު ޖެހުން ހުއްޓަލާނެ ކަމަށް ހެލްތު މިނިސްޓަރު އަހުމަދު ނަސީމް ވިދާޅުވިކަން ފާހަގަ ކުރައްވަމުންނެވެ.

މީގެ އިތުރުން މިހާރު ކަރަންޓީނުގައި ނުވަތަ އައިސޮލޭޝަނުގައި ތިބުމުގެ ސަބަބުން ވެކްސިން ނުޖެހޭ މީހުނަށް ވެކްސިން ޖަހަމުން ގެންދާނެ ކަމަށް ޑރ. ނަޒްލާ ވިދާޅުވިއެވެ. 

ރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. ނަޒްލާ ވަނީ، ރާއްޖޭގައި ކޮވިޑް ވެކްސިން ޖެހޭ އާބާދީގެ 46 އިންސައްތަ މީހުން މިހާތަނަށް ވެކްސިން ޖަހާފައިވާ ކަމަށް ބުނެފައެވެ. 

ރާއްޖޭގައި ޖުމުލަ 206،114 މީހަކު މިހާތަނަށް ވެކްސިން ޖަހާފައިވެއެވެ. މިއަދަދަށް ވެކްސިން ޖެހި މީހުންގެ އަދަދު އަރާފައި މިވަނީ، މާލެ ސަރަހައްދުގައި ކޮވިޑްގެ ވެކްސިންގެ ފުރަތަމަ ޑޯޒު ޖެހުން ހުއްޓާލާނެ ކަމަށް މިނިސްޓަރު ވިދާޅުވުމާއި ގުޅިގެން، ގިނަ ބަޔަކު ވެކްސިން ޖަހަން ދިއުމާއި ގުޅިގެންނެވެ.

އެގޮތުން މިދިޔަ ބުރާސްފަތި ދުވަހާއި ހޮނިހިރު ދުވަހުވެސް ގިނަ ބަޔަކު ވެކްސިން ސެންޓަރުތަކުގައި ކިޔޫ ހަދާފައިވެއެވެ. އަދި އިއްޔެވެސް ގިނަ އަދަދެއްގެ މީހުން ވެކްސިން ޖެހުމަށް ކިއު ޖެހިފައިވެއެވެ. 

މިހާތަނަށް ރާއްޖޭގައި އެއްދުވަހެއްގައި އެންމެ ގިނަ އަދަދަކަށް ވެކްސިންގެ ފުރަތަމަ ޑޯޒު ޖަހާފައިވަނީ މިމަހުގެ 11ވަނަ ދުވަހުއެވެ. އެއީ 11،474 މީހެކެވެ.