ރާއްޖެޓީވީ ޕްރޮގްރާމެއްގައި ވާހަކަދައްކަވަމުން ސްޓޭޓް މިނިސްޓަރު އަލީ ސޯލިހް ވިދާޅުވީ، ހަމައެކަނި ރައްޔިތުންގެ ކަންބޮޑުވުންހުރީ އިންޓަނެޓް އަގުހެޔޮވުމަށް ނޫންކަމަށާއި އެހެންދިމަދިމާއަށް ވެސް ވަރަށް ގިނަ ކަންބޮޑުވުންތަކެއް އެބަހުރި ކަމަށެއެވެ. އަދި އެކަން ކަން ހައްލުކުރުމަށް ވެސް މަސައްކަތްތަކެއް ކުރެވެމުންދާ ކަމަށް ވިދާޅުވިއެވެ.
އިންޓަނެޓް އަގުހެޔޮ ކުރުމަށްޓަކައި ކުރެވޭ މަސައްކަތްތަކާއި ގުޅޭގޮތުން ވާހަކަދައްކަވަމުން ވިދާޅުވީ އެކަމަށްޓަކައި ކުރިން ވެސް މަސައްކަތްތަކެއް ކުރެވުނު ކަމަށާއި އަދި، މިހާރު އިތުރު މަސައްކަތްތަކެއް ކުރެވެމުންދާ ކަމަށެވެ.
އެގޮތުން އެ އަމާޒު ހާސިލުކުރެވިފައިވާ ކަމަށް ބުނެވިދާނެ ކަމަށްވެސް ވިދާޅުވިއެވެ.
އަލީ ސޯލިހް ވިދާޅުވީ އަޅާކިޔަންޖެހޭ އެހެން ގައުމުތަކާއި އަޅާކިޔާއިރުވެސް ރާއްޖެއަށް އޮތީ ބޮޑު ކުރިއެރުމެއް ހޯދިފައި ކަމަށެއެވެ. އެހެންކަމުން އަލީ ސޯލިހް ވިދާޅުވީ، ރައީސް ސޯލިހުގެ އިންޓަނެޓް އަގުހެޔޮ ކުރުމަށް ވީ ވައުދު މިއަދު ފުއްދާދެވިފައިވާކަމަށެވެ. އަދި އަގާއިއެކު ދެންހުރި ކަންކަމަށް ވެސްބަދަލުތަކެއް ގެންނާނެ ކަމަށް ވިދާޅުވިއެވެ.
ސަރުކާރުގެ އިންޓަނެޓް އަގުހެޔޮކުރުމުގެ ވައުދު ފުއްދި އިންޓަނެޓުގެ އަގުތައްވަނީ އަތްފޯރާފަށަށް ތިރިކުރެވިފަ ކަމަށް އަލީ ސޯލިހް ވިދާޅުވިއިރު، އިންޓަނެޓުގެ ހިދުމަތަކީ އާއްމުންގެ ބޮޑު ކަންބޮޑުވުން އޮތް ކަމެެކެވެ. އިންޓަނެޓްގެ އަގުތައް ދަށްނުވުމާއި ސްޕީޑް ދަށްވުން މިއީވެސް އާއްމުންގެ ބޮޑެތި ޝަކުވާތައް ހުރި ކަންކަމެވެ.
