ފުލުހުން ވިދާޅުވީ ނ. މާފަރު މީހެއްގެ ކޭޝް ކާޑު ވަގަށް ނަގައި، ކެނދިކުޅުދޫގައި ހުރި އޭ.ޓީ.އެމްއަކުން އެ ކާޑު ބޭނުންކޮށްގެން 20،000 ރުފިޔާ ވަގަށް ނަގާފައިވާ ކަމަށެވެ. އެ މައްސަލަ ފުލުހުން ބަލަމުން އަންނައިރު މިހާތަނަށް 18،000 ރުފިޔާ ހޯދާ، ފެރިފަރާތާއި ހަވާލުކޮށްފައިވާ ކަމަށް ފުލުހުން ވިދާޅުވެއެވެ.
ފުލުހުން ވިދާޅުވީ ވަގަށް ނެގި ފައިސާގެ ތެރެއިން 17،000 ރުފިޔާ ހޯދީ މާފަރު ވަލުތެރޭގައި ވަޅުލާފައި ހުއްޓާއެވެ. މި ފައިސާ ހޯދުމުގައި އާއްމުންގެ ވަރަށް ބޮޑު އެހީތެރިކަމެއް ލިބިފައިވާކަން ފުލުހުން ފާހަނގަ ކުރައްވައެވެ.
މި މައްސަލައާ ގުޅިގެން 26 އަހަރުގެ ފިރިހެނަކު. ފުލުހުންގެ ބެލުމުގެ ދަށަށް ގެނެވިފައިވާ ކަމަށް ފުލުހުން މައުލޫމާތު ދެއްވައެވެ. ފުލުހުން ވިދާޅުވި ގޮތުގައި ބަލާފާސް ކުރުމުގެ ތެރޭގައި ވަގަށް ނަގާފައިވާ 1000 ރުފިޔާ އޭނާގެ އަތުން ފެނިފައިވެއެވެ.
