"ނެޓު ހެޔޮ" ގެ ދަށުން ކަނޑައެޅިގެންދިޔަ އެންމެ މުހިންމު އެއް މިންގަނޑަކީ 1 ޖުލައި 2021 އިން ފެށިގެން ރާއްޖޭގެ ނެޝަނަލް ބްރޯޑްބޭންޑް ހިދުމަތުގެ ސްޕީޑް 2އެމްބީޕީއެސް އަށް ކަނޑައެޅުމެވެ. މިއާއެކު ރާއްޖޭގައި ވިއްކާ އެންމެ އަސާސީ އިންޓަނެޓު ޕެކޭޖްތަކުގައިވެސް ތްރޮޓަލް ސްޕީޑް 2އެމްބީޕީއެސްއަށް ވުރެ ދަށްވެގެން ނުދާނެކަމަށް ވަނީ ބުނެފައެވެ.
އަދި 300 އަށްވުރެ ބޮޑު އަގެއްގައި ވިއްކާ ފިކްސްޑް ބްރޯޑްބޭންޑް ގޭބިސީތަކުގެ ޕެކޭޖްތަކުގައިވެސް ތްރޮޓްލް ސްޕީޑް އެންމެ ދަށް ކުރެވޭނީ 5 އެމްބީޕީއެސް އާއި ހަމަޔަށް ކަމަށް ވެސް ވަނީ ބުނެފައެވެ. އެހެންކަމުން މި ބަދަލާއިއެކު ދެގުނައާއި ފަސްގުނައާއި ސެމެދުގެ އަދަދަކަށް ތްރޮޓަލް ސްޕީޑް މިހާރު މިވަނީ ދަށްކުރެވިފައެވެ.
"ނެޓް ހެޔޮ"ގެ ދަށުން 30 އިންސައްތައާއި ހަމަޔަށް ގޭބިސީތަކުގެ ބްރޯޑްބޭންްޑް ޕެކޭޖްތަކުގެ އަދަދުވެސް ވަނީ ދަށްކުރެވިފައެވެ.
