ލަންކާގައި ކުރިއަށްދާ މަހިންދަ ރާޖަޕަކްސަ ޓްރޮފީގެ ލީގު ބުރުގެ ފަހު މެޗުގައި އަންގާރަ ދުވަހު ހަވީރު ރާއްޖެ ނުކުންނާނީ ސީޝެލްސްއާ ދެކޮޅަށެވެ. މުބާރާތުގެ ފައިނަލުން ފުރުސަތު ހޯދަން މި މެޗުން މޮޅުވުން ރާއްޖެއަށް މަޖުބޫރުވެ.
މެޗުގެ ކުރިން އޮންނަ ޕްރެސް ކޮންފަރެންސްގައި ވާހަކަ ދައްކަމުން އަކްރަމް ބުނީ ކުޅުންތެރިންގެ ވިސްނުމާއި ވަރަށް ގިނަ ކަންކަން ބަދަލު ވާން ޖެހެ ކަމަށެވެ. އަދި ދަނޑު މަތީ ކުރަން ޖެހޭ މަސައްކަތް ރަނގަޅު ކުރަން ޖެހޭ ކަމަށާއި އަދި މަސައްކަތް ރަނގަޅު ކޮށްފިއްޔާ ކާމިޔާބުވާނެ ކަމަށް އަކުރަމް ބުންޏެވެ.
މަހިންދަ ރާޖަޕަކްސަ ޓްރޮފީގައި ލީގު ބުރުގައި ރާއްޖޭގެ ފަހު މެޗަށް މާދަމާ މެންދުރު ފަހު ސީޝެލްސްއާ ދެކޮޅަށް ނުކުންނައިރު މި މެޗަކީ މުބާރާތުގެ ފައިނަލުން ޖާގަ ހޯދުމަށް މޮޅުވުން މަޖުބޫރު މެޗެކެވެ. މި މެޗުން ޕޮއިންޓެއް ހޯދައިގެންވެސް ސީޝެލްސްއަށް މުބާރާތުގެ ފައިނަލުން ފުރުސަތު ލިބޭނެއެވެ. މުބާރާތުގެ ފުރަތަމަ މެޗުގައި ރާއްޖެ ލަންކާއާ ދެކޮޅަށް ކުޅެ އެއްވަރުވެފައިވާއިރު ދެވަނަ މެޗުގައިވަނީ ބަންގްލަދޭޝް އަތުން ބަލިވެފައެވެ. މިއީ ވޭތިވެ ދިޔަ އަށާރަ އަހަރުގެ ތެރޭގައި ބަންގްލަދޭޝް އަތުން ރާއްޖެ ބަލިވީ ފުރަތަމަ ފަހަރެވެ.
