ލަންކާގެ ޕްރައިމް މިނިސްޓަރ މަހިންދަރާޖަޕަކްސަގެ ދައުވަތަކަށް ލަންކާގައި ކުޅުނު ފޯ ނޭޝަންސް މުބާރާތް ރާއްޖެ ނިންމާލީ އެންމެ މެޗަކުންވެސް މޮޅުނުވެ، ޓޭބަލްގެ ފުލުގައި އޮވެއެވެ. މުބާރާތުގެ ފުރަތަމަ މެޗުގައި ލަންކާއާ އެއްވަރުވެ، ދެވަނަ މެޗުގައި ބަންގްލަދޭޝް އަތުން ބަލިވެ އަދި ފަހު މެޗުގައި ސީޝެލްސްއާ ދެކޮޅަށް ކުޅެވީ އެއްވަރެވެ.
މުބާރާތުގެ ފުރަތަމަ މެޗުގައި ހަތަރު ލަނޑުން ލަންކާ ކައިރީ ކުރީގައި އޮވެފައި މެޗު ގެއްލުނީ މެޗުގެ ފަހު ކޮޅު ލަންކާއިން ފުލުފުލުގައި ޖެހި ހަތަރު ލަނޑާއެކުއެވެ. ދެވަނަ މެޗުގައި ބަންގްލަދޭޝް އަތުން ބަލިވި ބަލިވުމަކީ ވޭތިވެދިޔަ އަށާރަ އަހަރުގެ ތެރޭގައި ބަންގްލަދޭޝް އަތުން ދިވެހި ޓީމު ބަލިވި ފުރަތަމަ ބަލިވުމެވެ.
މި މުބާރާތުގެ ފައިނަލް މެޗު އޮންނާނީ ހުކުރު ދުވަހުއެވެ. ހުކުރު ދުވަހު ކުޅޭ ފައިނަލް މެޗުގައި ވާދަކުރާނީ ސްރީ ލަންކާއާ ސީޝެލްސްއެވެ.
