ފުލުހުން ނޫސްވެރިންގެ ބައްދަލުވުމުގެ ތެރެއިން
މަރުވި ގޮތް ޔަގީންކުރަން ޝިއާއުގެ ޕޯސްޓުމޯޓަން ހަދަން ވަނީ ނިންމާފަ: ފުލުހުން
ފާތިމަތު އަހްމަދު ޝަރީފް
07 އޯގަސްޓް 2022 - 18:57:37
އަނިޔާވެރިގޮތަކަށް ރޭ މަރާލި ޝިއާއު މުހައްމަދު ސައީދު މަރުވި ގޮތް ޔަގީންކުރަން ޕޯސްމޯޓަމް ހަދަން ނިންމާފަވާކަމަށް ފުލުހުން ބުނެފި އެވެ.
ޝިއާއުގެ މަރާއި ގުޅިގެން މިއަދު ފުލުހުން ބޭއްވި ނޫސްވެރިންގެ ބައްދަލުވުމުގައި ޝިއާއުއަށް ހަމަލާދީފަވަނީ ނުވަތަ މަރާލާފައިވަނީ ކީއްވެކަން މިހާތަނަށް ދެނެެގަނެވިފަވޭތޯ ނޫސްވެރިއަކު ސުވާލުކުރުމުން ފުލުހުން ބުނީ، އެކަން އަދި ސާފު ނުވާ ކަމަށެވެ.
“ކޯޒް އޮފް ޑެތު އަކީ ކޮބައިކަން ދަންނަވާލަން އަޅުގަނޑުމެނަށްވެސް ދަތި، ދެން އޭރުގަ އަޅުގަނޑުމެން ފާހަގަކޮށް ނުލި އެއްކަމެއް އެއީ މިހާރުވަނީ ހަށިގަނޑު ޕޯސްމޯޓަށް ހެދުމަށް ނިންމާފަ،” ފުލުހުން ބުންޏެވެ.
ފުލުހުން ބުނީ، ޕޯސްމޯޓަމް ނަތީޖާއާއެކު މަރުގެ ހަގީގަތް ދެނެގަނެވޭނެ ކަމަށާއި، އެ ސުވާލުތަކުގެ ޖަވާބު ދިނުމަށް އަދި މިވަގުތު އަވަސް ކަމަށެވެ.
މަރަކީ ލާއިންސާނީ މަރަކަށްވުމުން ދީފައިވާ އަނިޔާތަކުގެ ތަފްސީލާއި، ލިބިފަހުރި ބައެއް ހެކިތަކާއި ގުޅޭގޮތުން ވެސް ވާހަކަދައްކަން ފުލުހުން ވަނީ އުޒުރުވެރިވެފަ އެވެ.
އެމައުލޫމާތު ފުލުހުން ހާމަކުރަން މިވަގުތައް ބޭނުން ނުވަނީ، އެމައުލޫމާތުތަކުގެ ސަބަބުން އާއިލާއަށް ކުރާނެ އަސަރުތަކަށް ބަލާ، އާއިލާގެ އެދުމުގެ މަތިން ނެވެ.
33%
ކަމުގޮސްފި
0%
އަޑުއެހިތާ މިހުރީ
50%
ސަތޭކައަކުން ސުމެއް
17%
ވަރަށް ސަލާމް
ކޮމެންޓްސް
