ވަޓްސްއެޕުން ބުނީ ޓެލެގްރާމާއި ސިގްނަލް ފަދަ ވާދަވެރިންގެ ފީޗާތަކާ އެއްގޮތްވާ ގޮތަށް މެސެޖުތައް އެޑިޓް ކުރުމުގެ ފުރުސަތު ލިބިގެންދާނެ ކަމަށެވެ.
އެ ކުންފުނިން ބުނީ މެސެޖުތައް ފޮނުވުމަށް ފަހު 15 މިނެޓަށް ވަންދެން އެޑިޓް ކުރެވޭނެ ކަމަށެވެ.
އިންސްޓަންޓް މެސެޖިންގެ ހިދުމަތަކީ ފޭސްބުކާއި އިންސްޓަގްރާމް ވެސް ހިންގާ އެމެރިކާގެ ޓެކްނޮލޮޖީ ކުންފުނި މެޓާގެ ބައެކެވެ.
މި ފީޗާ ކުރިއަށް އޮތް ހަފުތާތަކުގެ ތެރޭގައި ވަޓްސްއެޕްގެ 2 ބިލިއަން ކަސްޓަމަރުންނަށް ލިބޭނެ އެވެ. އިންޑިއާގެ 487 މިލިއަން މީހުން ވަޓްސްއެޕް ބޭނުން ކުރެއެވެ.
މެސެޖިން ސާވިސްއިން ހޯމަ ދުވަހު ކުރި ބްލޮގް ޕޯސްޓެއްގައި ބުނެފައި ވަނީ ސިމްޕަލް މިސް ސްޕެލިންއެއް ރަނގަޅުކުރުމުން ފެށިގެން މެސެޖަކަށް އިތުރު ކޮންޓެކްސްޓް އިތުރުކުރުމާ ހަމައަށް ޗެޓްތަކުގެ މައްޗަށް އިތުރު ކޮންޓްރޯލެއް ގެނައުމަކީ ވަރަށް އުފާކުރާ ކަމެއް ކަމަށެވެ.
މެސެޖް އެޑިޓް ކުރުމަށްޓަކައި ފޮނުވި މެސެޖަށްއިރުކޮޅެއް ވަންދެން ފިއްތާލުމަށްފަހު އެޑިޓް ކުރެވޭނެއެވެ. އަދި މެސެޖް ފޮނުވާފަހުން 15 މިނިޓްވަންދެން އެޑިޓް ކުރެވޭނެއެވެ.
އެޑިޓްކޮށްފައިވާ މެސެޖްތައް "އެޑިޓް" ގެ ގޮތުގައި ޓެގް ކުރާނެ ކަމަށާއި އެހެންކަމުން ކޮންޓެންޓް ބަދަލުކޮށްފައިވާކަން ލިބޭ ފަރާތްތަކަށް އެނގޭނެ ކަމަށް އެކުންފުނިން ބުނެއެވެ.
