ބޫޓާންގެ ބާސްކެޓް ބޯޅަ ޓީމު ވެލާނާ އެއާޕޯޓުގައި
ފައިވް ނޭޝަންސް ކަޕްގެ ޓީމުތައް މާލެ އަންނަން ފަށައިފި
ސްޕޯޓްސް ޓީމް
13 ޖޫން 2023 - 19:41:39
މާދަމާ މާލޭ ފަށާ ފައިވް ނޭޝަންސް ބާސްކެޓްބޯޅަ މުބާރާތުގައި ވާދަކުރާ ބޭރުގެ ޓީމުތައް މާލެ އަންނަން ފަށައިފިއެވެ.
Advertisement
މާދަމާއިން މި މަހުގެ 22 އަށް ކުރިޔަށް ގެންދިޔުމަށް ހަމަޖެހިފައިވާ މި މުބާރާތަކީ ފިރިހެން އިންވިޓޭޝަނަލް މުބާރާތެކެވެ. މި މުބާރާތުގައި ރާއްޖޭގެ އިތުރުން ދެން ވާދަކުރާނީ ބަންގްލަދޭޝް، ބޫޓާން، ނޭޕާލް އަދި ޕާކިސްތާނެވެ. ބޫޓާން އަދި ނޭޕާލް ޓީމު މިހާރު މާލެ އައިސްފައިވާއިރު، ބަންގްލަދޭޝް ޓީމު މިރޭ އަންނާނެއެވެ. އަދި ޕާކިސްތާނު ޓީމު މާދަމާ މާލެ އައުމަށްވަނީ ހަމަ ޖެހިފައެވެ.
މުބާރާތުގެ ފުރަތަމަ މެޗުގައި މާދަމާ ހަވީރު ކުޅޭނީ، ނޭޕާލާ ބޫޓާނެވެ. އެއަށް ފަހު މާދަމާ ރޭ ރާއްޖެއާ ބަންގްލަދޭޝްގެ މެޗު އޮންނާނެއެވެ. މި މުބާރާތައް ތައްޔާރުވުމުގެ ގޮތުން ޤައުމީ ޓީމުން ވަނީ އިންޑިއާގެ ޕަޑުކޯން ރާވިޑް ސެންޓާ ފޯ ސްޕޯޓްސް އެކްސަލަންސް ހައި ޕާފޯމަންސް ސެންޓަރުގައި 14 ދުވަހުގެ ކޭމްޕެއް ކުރިޔަށް ގެންގޮސްފައެވެ.
މުބާރާތުގެ ފައިނަލް މެޗު އޮންނާނީ އަންނަ ބުދަ ދުވަހުއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
