ގެމަނަފުށި މަގުތަކުގައި ތާރުއެޅުމުގެ މަސައްކަތް ކުރުމަށް އާރުޑީސީ އާ ހަވާލުކުރުމަށް ޕްލޭނިން މިނިސްޓްރީގައި ބޭއްވި ރަސްމިއްޔާތުގެ ތެރެއިން - ފޮޓޯ:ޕްލޭނިން މިނިސްޓްރީ
76 މިލިއަނަށް ގެމަނަފުށި މަގުތަކުގައި ތާރުއެޅުމުގެ މަސައްކަތް އާރުޑީސީއަށް
މުހައްމަދު އަތީފް
23 ޖޫން 2023 - 07:46:00
ގއ. ގެމަނަފުށި މަގުތަކުގައި ތާރުއެޅުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްފިއެވެ.
Advertisement
މި މަސައްކަތް އާރުޑީސީ އާ ހަވާލުކުރުމަށް ޕްލޭނިން މިނިސްޓްރީގައި ބޭއްވި ރަސްމިއްޔާތުގައި އާރުޑީސީގެ ފަރާތުން ސޮއިކުރެއްވީ އެ ކޯޕަރޭޝަނުގެ ޖެނެރަލް މެނޭޖަރު ހުސައިން ނަދީމެވެ. ޕްލޭނިން މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ޕާމަނަންޓް ސެކްރެޓަރީ ޒީނިޔާ އަހުމަދު ހަމީދެވެ.
ގެމަނަފުށި މަގުތަކުގައި ތާރުއެޅުމުގެ މަޝްރޫއުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތަކަކީ:
- 2.8 ކިލޯމީޓަރު މަގުގައި ތާރުއެޅުން
- މަގުތަކުގައި ފެންހިންދާ ނިޒާމު ގާއިމުކުރުން
- މަގުތަކުގައި މަގުބައްތި ޖެހުން
ޕްލޭނިން މިނިސްޓްރީގެ ފަރާތުން މި މަސައްކަތް އާރުޑީސީ އާ ހަވާލުކޮށްފައިވަނީ 76.16 މިލިއަން ރުފިޔާއަށް 540 ދުވަހުގެ ތެރޭގައި މަސައްކަތް ނިންމާ ހަވާލުކުރާ ގޮތަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
