އެލައިޑުން ބުނީ ކުޑަކުދިންނަށް ހާއްސަކޮށްގެން ބާއްވާ މި ފެސްޓިވަލް ކުރިއަށް ދާނީ މާދަމާ ހަވީރު 4:00 އިން ފެށިގެން 6:00 އަށް ހުޅުމާލެ ސެންޓްރަލް ޕާކުގައި ކަމަށެވެ.
"އެލައިޑް ފެސްޓް" ގައި ކުޑަކުދިންނަށް ހާއްސަ އެކި ކުޅިވަރުތައް ކުރިއަށް ގެންދިއުމަށް ހަމަޖެހިފައިވާ ކަމަށް އެ ކުންފުނިން ބުނެއެވެ. އެލައިޑުން ބުނެފައިވަނީ މި ފެސްޓިވަލްގައި ފިޝިން، ބީން ބޭގް ޓޮސް، ސްނޭކް އެންޑް ލެޑާ، ޓްވިސްޓާގެ އިތުރުން ކުރެހުމާއި ކުލަޖެއްސުމަށް ޝައުގުވެރިވާ ކުދިންނަށް އާޓް ކޯނާއެއް ހިމެނޭ ކަމަށެވެ.
ކުޑަކުދިންނަށް ހާއްސަ އެލައިޑް ފެސްޓް މާދަމާ ހަވީރު ބޭއްވުމަށް ވަނީ ނިންމާފައި - ފޮޓޯ:އެލައިޑް
މި ފެސްޓިވަލުގެ ތެރެއިން ހާއްސަ ލަކީޑްރޯއެއް ނަގާނެ ކަމަށާއި ލަކީޑްރޯއިން ހޮވޭ ތިން ކުއްޖަކަށް ހާއްސަ ހަދިޔާއެއް ދިނުމަށް ހަމަޖެހިފައިވާ ކަމަށް އެލައިޑުން ބުނެއެވެ. އެ ކުންފުނިން ބުނި ގޮތުގައި "އެލައިޑް ފެސްޓް" ގައި ބެލެނިވެރިންނަށް އަމާޒުކޮށް ދިރިއުޅުމާއި އާއިލާ އާ ގުޅުންހުރި މައުލޫމާތު ސެޝަންތަކެއް ބޭއްވުމަށް ނިންމާފައިވާ ކަމުގައެވެ.
މިއީ "އެލައިޑް ފެސްޓް" ބާއްވާ ދެވަނަ އަހަރެވެ. އެލައިޑުން މިދިޔަ އަހަރު ކުރިއަށް ގެންދިޔަ ހަރަކާތައް ބޮޑު ތަރުހީބެއް ވަނީ ލިބިފައެވެ.
