މިރޭ ދައުލަތުގެ މީޑިއާ ޕީއެސްއެމްގައި ވާހަކަަ ދައްކަވަމުން އާބަންކޯގެ މެނޭޖިން ޑައިރެކްޓަރު ފަޒުލް ރަޝީދު ވިދާޅުވީ ހުޅުމާލޭ ފޭސް 3 ހިއްކުމަށަ ހަވާލުކޮށްފައިވާ ކޮންޓްރެކްޓްގައި 96 ހެކްޓަރުގެ ބިން ހިއްކަން އޮންނަ ކަމަށެވެ.
ފަޒުލް ވިދާޅުވީ ހިއްކާ 96 ހެކްޓަރު ބިން ހިއްކަން އޮތް ނަމަވެސް އެތަނުން 20 ހެކްޓަރު ބިން ހިއްކާ ކުންފުންޔަށް ދޭން ޖެހޭކަމަށެވެ.
އެއީ ހުޅުމާލޭ ހިއްކާ ސަރަޙައްދުން 10 ހެކްޓަރާއި ތިލަފުށިން 9.6 ހެކްޓަރުކަން ފަޒުލް ފާހަގަކުރެއްވިއެވެ.
ފުށިދިއްގަރު ފަޅު ހިއްކަން ހަވާލުކުރި އެއްބަސްވުމުގެ ދަށުން ސީއެމްސީއަށް ދޭންޖެހޭނީ 70 ހެކްޓަރު ބިން ކަމަށް ފަޒުލް ވިދާޅުވި އެވެ. އެއީ 1093 ހެކްޓަރު ބިން ހިއްކުމުގެ ބަދަލުގައި ދޭންޖެހޭ ވަރުކަމަށް ފަޒުލް ވިދާޅުވި އެވެ.
