ރައީސް މިހެން ވިދާޅުވެފާ ވަނީ އާންމުންނަށް ސުވާލު ކުރެވޭ ގޮތަށް ކުރިއަށް ގެންދާ "ރައީސްގެ ޖަވާބު"ގެ މިއަދުގެ ޕްރޮގްރާމްގަ އެވެ.
ގއ.ގެމަނަފުށީ، ހުސްނޫގޭ، ސަމީރު އަޙްމަދު ވަނީ، ގެމަނަފުށީގެ މަގުތައް ތަރައްގީ ކުރުމުގެ މަޝްރޫއުގެ ތެރެއިން ތާރުއަޅަން ނިންމާފައިވަނީ ފަސް މަގުގައިކަމަށާއި، ގެމަނަފުއްޓަކީ މުޅި އަތޮޅުން ވެސް ދެވަނައަށް އެންމެ ބޮޑު ރަށް ކަމާއި އެ އަތޮޅުގެ އެހެން ކުދި ރަށްރަށުގެ މާ ގިނަ މަގުތަކުގައި ތާރު އަޅާކަން ފާހަގަކޮށްފާވެ އެވެ.
އަދި އެ ރަށަކީ އެ އަތޮޅުގެ މުހިންމު ހަރަކާތްތައް އިނަތިޒާމް ކުރުމުގަ އެންމެ އިސް ނާރެސް ކަމަށާއި، ސްކޫލުގައި މަލްޓިޕާޕަސް ހޯލެއް ނެތުމުގެ ސަބަބުން ދަތިކަން ތަހަންމަލް ކުރަންޖެހޭ ކަމަށެވެ.
ސަމީރުގެ މި ކަންބޮޑުވުންތަކަށް ޖަވާބު ދެއްވަމުން ރައީސް ވިދާޅުވީ، ގެމަނަފުށީގައި މަގު ހެދުމުގެ މަޝްރޫއު އަކީ އިގްތިސޯދީ ގޮތުންނާއި އާބާދީގެ ގޮތުންވެސް ވަރަށް މުހިންމު ކަމެއް ކަމަށެވެ. އަދި މަގުތަކުގައި ތާރު އެޅިގެންދާނީ ތާރުއަޅަން ނިންމާފައިވާ ފަސް މަގަށްވުރެ އިތުރުކުރެވިގެން މަސްވެރިކަމަށާއި ރަށަށް ފުރިހަމަ ފައިިދާ އެއްވާ ގޮތަށް ކަމަށް ވަނީ ފާހަގަ ކުރައްވާފަ އެވެ.
ހަމައެއާއެކު ގެމަނަފުށީ ސްކޫލުގައި މަލްޓިޕާޕަސް ހޯލެއް ގާއިމްކުރާނެ ކަމަށާއި މި އަހަރު ތެރޭ މަސައްކަތް ފަށާނެ ކަމަށް ވެސް ވަނީ ވިދާޅުވެފަ އެވެ.
ރައީސް ވިދާޅުވީ، އެ ކަންބޮޑުވުން ވެސް ހައްލު ކޮށްދެއްވާނެ ކަމަށެވެ.
