އެމްޑީޕީން ގދ. ތިނަދޫގައި މަޖިލިސް ކެމްޕޭނު ފެށި ޖަލްސާގައި، ޝާހިދު ވިދާޅުވީ މި ސަރުކާރުގެ ވާހަކަ ދައްކާއިރަށް ނުވަތަ ރައީސް މުއިއްޒުގެ ވާހަކަ ދައްކާއިރަށް ރައްޔިތުންގެ ދުލު ކުރިޔަށް އަންނަނީ "ދޮގު ދޮލަނގު" ކަމަށާއި، މި ސަރުކާރަށް ރައްޔިތުން މިހާރު އިތުބާރު ވެސް ނުކުރާ ކަމަށެވެ.
ރައީސް މުއިއްޒު ހައްދަވައިފައިވާ ދޮގުތަކުން ސަލާމަތްވުމަށް އިތުރަށް 10 ދޮގު ހަދަންޖެހިފައިވާ ކަމަށާއި މިއީ މިއަދު ހަގީގަތް ކަމަށް ވެސް ޝާހިދު ވިދާޅުވި އެވެ.
މީގެއިތުރުން ޝާހިދު ވިދާޅުވީ މި ސަރުކާރުގެ ވާހަކަ ދައްކާއިރަށް ނުވަތަ ރައީސް މުއިއްޒުގެ ވާހަކަ ދައްކާއިރަށް ރައްޔިތުންގެ ދުލު ކުރިޔަށް އަންނަނީ ދޮގު ދޮލަނގު ކަމަށާއި، މި ސަރުކާރަށް ރައްޔިތުން މިހާރު އިތުބާރުވެސް ނުކުރައްވާ ކަމަށެވެ.
އެމްޑީޕީން ބުނާގޮތުން، ސަރުކާރު ހަމަ މަގަށް އަޅުވައި، ސަރުކާރުން އޮޅުވާލާ އޮޅުވާލުންތައް ރައްޔިތުންނަށް ހާމަ ކުރުމަށް، މަޖިލީހުގެ މެޖޯރިޓީ އިދިކޮޅަށް ލިބިފައި އޮތުމަކީ މުހިންމު ކަމެކެވެ.
އެހެންކަމުން ސަރުކާރު ހަމަ މަގަށް އެޅުވުމަށް މަޖިލިސް މުހިންމުކަން ރައީސް ސޯލިހު ރޭ ވެސް ފާހަގަކުރެއްވި އެވެ. އެމްޑީޕީން މަޖިލިސް އިންތިހާބުގެ ކެމްޕޭނަށް ގެންގުޅޭ ސްލޯގަންއަކީ "މިސްރާބު ހަމަމަގަށް" އެވެ.
