ސައުދީގެ އިސްލާމީ ކަންތައްތަކާއި ބެހޭ ވުޒާރާގެ ޓީމް ރާއްޖޭގައި
ރާއްޖެއާއި ސައުދީގެ އިސްލާމިކް މިނިސްޓްރީއާ ދެމެދު މަޝްވަރާކޮށްފި
އައިޝަތު ރަޝާ
19 މޭ 2024 - 20:39:12
ރާއްޖޭގެ އިސްލާމީ ކަންތައްތަކާ ބެހޭ ވުޒާރާއާއި ސައުދީ އަރަބިއްޔާގެ އިސްލާމީ ކަންތައްތަކާ ބެހޭ ވުޒާރާއާ ގުޅިގެން ކުރިއަށް ގެންދާ އިލްމީ ޕްރޮގްރާމްގައި ބައިވެރިވެވަޑައިގަތުމަށްޓަކައި އެގައުމުން ވަޑައިގެންނެވި ވަފުދާ އިސްލާމިކް މިނިސްޓަރު ޑރ. ޝަހީމް އަލީ ސައީދު އާ ބައްދަލުކޮށްފި އެވެ.
Advertisement
މިބައްދަލުކުރެއްވުމުގައި ވަނީ ސައުދީ އަރަބިއްޔާގެ އިސްލާމިކް މިނިސްޓްރީން ވަޑައިގެންނެވި ވަފުދަށް، ރާއްޖޭގެ އިސްލާމިކް މިނިސްޓްރީގެ މަސައްކަތްތަކާއި މަޝްރޫޢުތަކާއި އަދި ރާއްޖެއަށް އެހީތެރިކަމާއި އެއްބާރުލުން ބޭނުންވާ ދާއިރާތަކާ ބެހޭ ގޮތުން މައުލޫމާތު ހިއްސާކުރައްވާފަ އެވެ.
ޑރ.ޝަހީމް ވިދާޅުވީ މިފަދަ ޕްރޮގްރާމްތަކުގެ ބޭނުމަކަށްވަނީ އިސްލާމީ ސައްހަ އަގީދާ ބަޔާންކޮށްދިނުމާއި އިސްލާމީ މެދުމިންތަކުގެ ރިވެތި އުސޫލު އަށަގެންނެވުމާއި ހަރުކަށި އުސޫލުތަކާ ދެކޮޅަށް މުޖުތަމައު ހޭލުންތެރިކުރުންކަމަށެވެ.
"މި ވަފްދަކީ އެންމެ ފަހުން އަޅުގަނޑު ސައުދު އަރަބިއްޔާއަށް ކުރި ދަތުރުތަކުގެ ތެރޭގައި، ދަތުރެއްގައި ސައުދީގެ އިސްލާމިކް މިނިސްޓްރީއާ އަޅުގަނޑު ވާނީ މަޝްވަރާ ކޮށްފައި ދީނީ ދާއިރާއިން ރާއްޖޭގައި ޕްރޮގްރާމްތަކެއް ގެންދިއުމަށް، އެގޮތުން އަޅުގަނޑުމެންގެ ދެ ވުޒާރާގެ އެއްބަސްވުމުގެ ތެރެއިން މިފަހަރުގެ ޕްރޮގްރާމް ފެށިގެން ކުރިއަށް ދަނީ،".
ސައުދީ އަރަބިއްޔާއާ ގުޅިގެން ކުރިއަށް ގެންދާ އިލްމީ ޕްރޮގްރާމްތަކަކީ ވަޒީރު ޑރ.ޝަހީމު ސައުދީއަށް ކުރެއްވި ދަތުރުތަކުގެތެރެއިން ކާމިޔާބު ކުރެވުނު މަސައްކަތްތަކެއްކަމަށް ޑރ.ޝަހީމް ވިދާޅުވި އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް
