އެމަނިކުފާނު މިހެން ވިދާޅުވީ ސީއެޗްއެސްއީގެ އިނާމު ދިނުމުގެ ޖަލްސާގަ އެވެ.
އެގޮތުން މިނިސްޓަރު ވިދާޅުވީ އޯލެވެލް ނިންމާ ކުދިން އިތުރުކޮށް، އޭލެވެލަށް ކިޔެވުމަށް ފުރުސަތު ފަހިކޮށްދިނުމަކީ ރައީސް ޑރ. މުހައްމަދު މުއިއްޒު ވަރަށް ބޮޑު އަހައްމިއްޔަތުކަމެއް ދެއްވާ ކަމެއް ކަމަށާއި އެހެންވެ އިތުރު 23 ސްކޫލެއްގައި އަލަށް އޭލެވެލް ފަށަން ނިންމާފައިވާ ކަމަށެވެ.
އޭނާ ވިދާޅުވީ ގްރޭޑް އެކެއް ފަށައި 7000 ދަރިވަރުންގެ ތެރެއިން މަތީ ފެންވަރުގެ ޔުނިވާސިޓީގެ ތައުލީމާ ހަމައަށް ވާސިލްވާ މިންވަރަށް އަދިވެސް ފާސްނުކުރެވިގެން ކަމަށާއި ރައީސްގެ ޒައާމަތުގައި އިސްކަމެއް ދޭނެ ކަމަކީ، ފާސްވާ ނިސްބަތް މަތިކުރުން ކަމަށެވެ.
މީގެއިތުރުން ސަރުކާރުގެ ވިސްނުން ހުރީ އަލަށް އޭލެވެލް ފަށާ 23 ސްކޫލުގެ ނަތީޖާއަށް ބަލައި އިތުރު ސްކޫލުތަކުގައި ވެސް އޭ ލެވެލް ކިޔަވައިދޭން ފެށުން ކަމަށް އޭނާ ވަނީ ވިދާޅުވެފަ އެވެ.
