އެ ކޯޕަރޭޝަނުން ބުނީ ލ. ފޮނަދޫއަށް 1200 ކިލޯވޮޓް ޖަނަރޭޓަރެއް ފޮނުވީ ކަރަންޓުގެ ހާލަތު ރަނގަޅުކުރުމަށްޓަކައި ކުރެވެމުންދާ މަސައްކަތުގެ ތެރެއިންކަމަށެވެ
މި ޖަނަނޭޓަރު ރަށަށް ލިބުމާ އެކު އިންސްޓޯލްކޮށް ރަށަށް ކަރަންޓް ދިނުމުގެ މަސައްކަތް ފެށިގެންދާނެކަމަށްވެސް ފެނަކައިން ބުނެއެވެ. ފެނަކައިން ބުނީ އެހެނިހެން ރަށްރަށުގެ ކަރަންޓުގެ ހާލަތު ރަނގަޅުކުރުމަށްޓަކައި އެކޯޕަރޭޝަނުން ގިނަގުނަ މަސައްކަތްތަކެއް ކުރަމުން އަންކަމަށެވެ.
އައްޑޫސިޓީގެ ގުޅިފައިވާ ރަށްތަކުގެ ކަރަންޓުގެ މައްސަލަ ހައްލު ކުރަން އާ ޖެނަރޭޓަރެއް ގަނެފައިވާކަން އެންވަޔަރުމެންޓް މިނިސްޓަރު ތާރިގު އިބްރާހީމް އިއްޔެ ވަނީ ވިދާޅުވެފައެވެ. އައްޑޫ ސިޓީގައި ބޭނުންކުރަން ގަތް 1.5 މެގަވޯޓްގެ އާ ޖަނެރޭޓަރު އެ ސިޓީއަށް ގެންގޮސް އެ ސިޓީއަށްް ދިމާވެފައިވާ ކަރަންޓްގެ މައްސަލަ މި ފެށޭ އޮގަސްޓްމަހު ހައްލުވެގެންދާނެކަމަށްވެސް ތާރިގް ވަނީ ވިދާޅުވެފައެވެ.
ރަށްރަށް ދިމާވެފައިވާ ކަރަންޓްގެ މައްސަލަތައް ހަައްލުކުރުމަށް މިއަހަރުގެ މިހާތަނަށް 43 ޖަނެރޭޓަރު އަލަށް ގަނެ އިސްޓޯލްކޮށްފައިވާކަމަށް ފެނަކަ ކޯޕަރޭޝަނުން ވަނީ ބުނެފައެވެ.
