ސައުދީ އަރަބިއްޔާއިން 2034 ވަނަ އަހަރުގެ ވޯލްޑް ކަޕް ބާއްވަން ކުރާ މަސައްކަތުގެ ތެރެއިން 11 ދަނޑު އެޅުމުގެ ޕްލޭންވަނީ ހަދާފައެވެ.
އޭގެ ތެރޭގައި ބިމުން ފެށިގެން 350 މީޓަރު އުހުގައި ހަދާ ސްޓޭޑިއަމެއް ހިމެނެއެވެ. މުޅިން އަލަށް ހަދާ މި ސްޓޭޑިއަމަށް ވަދެވޭނީ ހައިސްޕީޑް ލިފްޓްތަކާއި ޑްރައިވަރު ނެތި ދުއްވާ އުޅަނދުތަކުންނެވެ. މުޅި ޕްރޮޖެކްޓްވެސް ފަރުމާ ކޮށްފައިވަނީ ހައިޓެކްކޮށެވެ.
ސައުދީ އަރަބިއްޔާގެ ބިޑަކީ ވާދަވެރިކަމެއް ނެތް ބިޑަކަށް ވާއިރު، އެގައުމަށް ޕްލޭންތައް ހުށަހެޅުމުގެ ފުރުސަތު އޮކްޓޯބަރު މަހުގެ ނިޔަލަށް އެބައޮތެވެ. ސައުދީން ޕްލޭންކޮށްފައިވާ އާ 11 ދަނޑުގެ ތެރެއިން އަށް ސްޓޭޑިއަމް ހުންނާނީ ވެރިރަށް ރިޔާޒުގައެވެ. އޭގެ ތެރޭގައި 92،760 މީހުންގެ ޖާގައިގެ ކިންގް ސަލްމާން އިންޓަނޭޝަނަލް ސްޓޭޑިއަމް ހިމެނޭއިރު، އެ ދަނޑުގައި ވޯލްޑްކަޕް ހުޅުވާ މެޗާއި ފައިނަލް ކުޅޭނެ އެވެ.
ހޯސްޓުން ކަށަވަރު ކުރުމަށް ހަމަޖެހިފައިވަނީ 11 ޑިސެމްބަރުގައި ބާއްވާ ފީފާ ކޮންގްރެސްއިންނެވެ.
