މި މަޝްވަރާކުރުމަށް މިނިސްޓަރު ޑރ. އައިޝަތު ރަމީލާ މިއަދު ވަނީ މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އަދި އައިލޭންޑް އޭވިއޭޝަންގެ މެނޭޖިންގް ޑިރެކްޓަރާ ބައްދަލު ކުރައްވާފަ އެވެ.
ރައީސް ޑރ.މުހައްމަދު މުއިއްޒުގެ ސަރުކާރުގެ ދަށުން އިސްނަގާގެން މިނިސްޓާ ރަމީލާ ވަނީ ދަނޑުވެރިކަމުގެ ގިނަ މަޝްރޫއުހިންގާ، ދެމެހެއްޓެނެވި ދަނޑުވެރިކަން ރާއްޖޭގައި ފަސޭހަ ކަމާއެކު ކުރެވޭނެ ގިނަ މަސައްކަތަތައް ކުރަމުންނެވެ. އަދި ދަނޑުވެރިންނަށް މިނިސްޓްރީން ދަނީ ލުއިފަސޭހަކޮށް ދަނޑުވެރިކަން ކުރެވޭނެ ގޮތް ހޯދައިދިނުމަށް މަސައްކަތް ކުރަމުންނެވެ.
އެގޮތުން ފާއިތުވި ޖޫން މަހު މިނިސްޓާ ރަމީލާ ވަނީ ދަނޑުވެރިންނަށް މާލީ އެހީތެރިކަން ފޯރުކޮށްދިނުމަށް "ދަނޑުވެރި މަންފާ" ޕްރޮގްރާމް ފަށްޓަވާފައެވެ. ޕްރޮގްރާމްގެ ދަށުން ދަނޑުވެރީން މަސައްކަތް ކުރުމަށް ބޭނުންވާ ފައިސާ އާއި ޒަމާނީ ވަސީލަތްތައް ލިބިގެން ދާނެކަމަށް ރަމީލާ ވިދާޅުވެފައިވެއެވެ.
އޭގެ އިތުރުން އެގްރިކަލްޗާ މިނިސްޓްރީން ވަނީ މި ސަރުކާރުން ކުރިއަށް ގެންދަވާ އެންމެ މުހިންމު އެއް މަސައްކަތް އަދި ސަރުކާރުގެ ވައުދުތަކުގެ ހަފްތާ 14 މަގުޗާޓުގައި ހިމެނޭ ވާޓިކަލް ފަރމިން ޕައިލެޓް ޕްރޮޖެކްޓް ފާއިތުވި މާޗް މަހު އިފްތިތާހުކޮށްފައެވެ.
އެގްރިކަލްޗާ މިނިސްޓްރީގެ މި އަހަރުގެ ބަޖެޓަށް އިތުރު 45 މިލިއަން ރުފިޔާ މިހާރުވެސް ވަނީ ސަރުކާރުން އިތުރުކޮށްފައި އެވެ. މިއި ކުރީ އަހަރާ ބަލާއިރު ދައުލަތުން ދަނޑުވެރިކަމަށް ދޭ ބަޖެޓާއި ބަލައި އެތަށް ގުނައެއް ބޮޑު ބަޖެޓެކެވެ.
