ads
އައިރާ: މަންމަ މަންސޫދާގެ ކޮޑުގައި ބޯއަޅާލައިގެން
އުމުރުން އެންމެ ހަތަރު މަސް، ބޮޑު ވޭނެއް ތަހައްމަލުކުރަން ޖެހިފައި!
ދަރިންނަކީ ދުނިޔެއާއި އާހިރަތުގެ ފައިދާއަށް ޓަކައި މާތް ﷲ ދެއްވާ ބޮޑު ނިއުމަތެކެވެ. އެއީ މައިންބަފައިންގެ ލޮލުގެ ފިނިކަމެވެ. ހިތުގެ ހަމަޖެހުމެވެ. ދަރިއަކު އުފަންވާ ހިސާބުން ފެށިގެން އުފަލާއި، ހިތްހަމަޖެހުމާއި، ހިތް ނުތަނަވަސްކަމާއި، ކަންބޮޑުވުމާއި، މި ނޫން ވެސް އެތައް ކަމަކާ ކުރިމަތިލާން ޖެހެއެވެ. މި ދުނިޔެއަކީ އިމްތިހާނެއްކަމަށް ދަނެ، ދުނިޔޭގައި ދިމާވާ އެންމެހައި އިމްތިހާންތަކަށް ކެތްކުރުމަކީ ވަރަށް މުހިންމު ކަމެކެވެ.
Advertisement

ކޮންމެ ކުއްޖަކީ އެންމެ ފުރިހަމަ ސިއްހަތެއްގައި އުފަންވާނެ ކުއްޖެއް ނޫން ކަމަށް ގަބޫލުކުރަން ޖެހެއެވެ. އުފެދުމުގައި ކުއްޖާގެ ހުންނަ އުނި ކަމެއްގެ ސަބަބުން ގިނަ މަސައްކަތްތަކެއް ކޮށް އެ ކުއްޖާ އާންމު ހާލަތަށް ގެނައުމަށް މައިންބަފައިން އިސް ރޯލެއް އަދާކުރާނެއެވެ.

މިއީ އުމުރުން އެންމެ 4 މަހުގެ މަރިޔަމް އައިރާ ބޭބީގެ ވާހަކަ އެވެ. 2024 ވަނަ އަހަރުގެ އޭޕްރިލްމަހުގެ 15 ވަނަ ދުވަހު އައިރާ ދުނިޔެއަށް އުފަންވި ދުވަހުން ފެށިގެންވެސް، ކޮންމެ ދުވަހަކުވެސް ދިރި ހުރުމަށްޓަކައި ކުރަންޖެހިފައިވަނީ ވަރުގަދަ ހަނގުރާމައެކެވެ. އެދުވަހުންފެށިގެން އައިރާގެ މަންމަ އައިރާއަށް ފަރުވާދިނުމަށް އެތައް އިމްތިހާނެއް ކަޑައްތު ކޮށްފި އެވެ.

އައިރާ ދުނިޔެއަށް އުފަންވެ ހަފްތާއެއް ދުވަސްވި ފަހުން، އައިރާގެ ފަރާތުން އައިރާގެ މަންމައަށް އާދަޔާއި ހިލާފު ކަމެއް ފާހަގަވި އެވެ. އެއީ އައިރާ އަށް ބޮޑުކަމު ދިއުމަށް އުނދަގޫތަކެއްވެ ބޮޑުކަމު ނުދެވޭ މައްސަލަ އެވެ. ބޮޑުކަމު ދިއުމަށް އިންނަ ލޯވަޅު، ނުވަތަ ހޮރު، ކައިރީގައި އިތުރު ލޯވަޅެއް ނުވަތަ ހޮރެއް ހުރިކަމެވެ. މިކަމުގެ ސަބަބުން އައިރާ ބޭބީއަށް ބޮޑުކަމު ދިއުމުގައި އެތަކެއް ތަކުލީފުތަކެއް ވަނީ އުފުލަން ޖެހިފަ އެވެ.

"މިއީ ހަތަރު މަހުގެ ބޭބީއެއް. ޕުއްޕު ލާ ތަން، އެހެން ގޮތަކަށް ބުނާނަމަ ބޮޑުކަމުދާ ތަނުގެ މައްޗަށް އިތުރު ހޯލް އެއް އިނދެފަ، އެތަން އިންނަނީ ބޭބީގެ ބޮޑުކަމުދާ ތަނާއި ގުޅިފަ. ދެން ބޮޑުވާވަރަކަށް، ކުޑަމީހާގެ އަނގައިންވެސް ޕުއްޕު އައިސްދާނޭ ކަމަށް ޑޮކްޓަރު ބުނި. އަދި ވީހާވެސް އަވަހަށް އިތުރު ފަރުވާއަށް ރާއްޖެން ބޭރަށް ފުރަން ޑޮކްޓަރު އޮތީ ބުނެފަ." ދަރިފުޅުގެ ބަލި ހާލަތާއި ގުޅިގެން ޑޮކްޓަރު ދެއްވި މައުލޫމާތު ތަފްސީލުކޮށްދެމުން މަންސޫދާ ބުންޏެވެ.

އައިރާގެ މަންމަ އައިޝަތު މަންސޫދާ ކިޔައިދިން ގޮތުގައި އައިރާގެ ބޮޑުކަމު ދިއުމުގެ މައްސަލަ ހުރިކަން ފާހަގަވީ ދުނިޔެއަށް އުފަންވިތާ ހަފްތާއެއް ފަހުންނެވެ. ވިހައިގެން ހޮސްޕިޓަލުން ގެއަށް ދޫކޮށްލި ފަހުންވެސް އައިރާ ބޮޑުކަމު ނުދާތީ އެކަން ފާހަގަވެ، ޑޮކްޓަރަށް ދައްކާ ހެދި ޓެސްޓުތަކާއި ކުރި ސްކޭންތަކުން އެނގިގެން ދިޔަ ކަމަކީ އައިރާގެ ބޮޑުކަމުދާ ތަނުގެ މައްޗަށް އިތުރު ލޯވަޅެއް ހުރިކަމެވެ. އެ ލޯވަޅު އިނީ ބޮޑުކަމުދާ ލޯވަޅާއިވެސް ގުޅިފައިކަމަށް ވުމުން އައިރާ ބޮޑުވަމުން އަންނަ ވަރަކަށް ބޮޑުކަމުދާ ތަކެތި ހަށިގަނޑުގެ ތެރެއަށް ގޮސް އަނގައިންވެސް ބޮޑުކަމުދާތަކެތި އައިސްދާނޭ ކަމަށް ޑޮކްޓަރު ބުނެފައިވާކަމަށެވެ. އެހެން ކަމުން އަވަސްފަރުވާއަށް ވަގުތުން ފުރައިގެން ރާއްޖޭން ބޭރަށް ދިއުމަށް ޑޮކްޓަރ ލަފާދީފައިވާ ކަމަށް އައިރާގެ މަންމަ މަންސޫދާ ބުންޏެވެ.

"މިއީ ހަތަރު މަހުގެ ބޭބީއެއް. ޕުއްޕު ލާ ތަން، އެހެން ގޮތަކަށް ބުނާނަމަ ބޮޑުކަމުދާ ތަނުގެ މައްޗަށް އިތުރު ހޯލް އެއް އިނދެފަ، އެތަން އިންނަނީ ބޭބީގެ ބޮޑުކަމުދާ ތަނާއި ގުޅިފަ. ދެން ބޮޑުވާވަރަކަށް، ކުޑަމީހާގެ އަނގައިންވެސް ޕުއްޕު އައިސްދާނޭ ކަމަށް ޑޮކްޓަރު ބުނި. އަދި ވީހާވެސް އަވަހަށް އިތުރު ފަރުވާއަށް ރާއްޖެން ބޭރަށް ފުރަން ޑޮކްޓަރު އިނީ ބުނެފަ." މަންސޫދާ ބުންޏެވެ.

މަންސޫދާ ބުނީ އާސަންދައިން ހަމަޖައްސައި ދިނީ ހަމަ އެކަނި ދެކޮޅު ޓިކެޓް ކަމަށް ވުމުން އެކޮމަޑޭޝަނާއި، އެހެނިހެން ކަންކަމަށްވެސް ބޮޑު ހަރަދެއް ކުރަންޖެހޭނެތީ އާންމުންގެ އެހީތެރިކަމަށް އެދިގެން ނަމަވެސް މިއަދު އައިރާގެ އާއިލާއިން ބޭނުންވަނީ ވީހާވެސް އަވަހަށް އޮޕަރޭޝަންކުރެވޭނެ ގޮތެއް ހޯދާށެވެ. އޮޕަރޭޝަން ނުކުރެވި ފާއިތުވާ ކޮންމެ މިނެޓަކީވެސް އައިރާގެ ހާލަތު އިތުރު ހިރާސްގެ ތެރެއަށް ހުށަހެޅިގެންދާނެ ވަގުތުތަކެކެވެ.

މަންސޫދާ އެދެނީ އޭނާގެ އަމިއްލަ ފުރާނައަށް ވުރެވެސް ލޯބިވާ އޭނާގެ ތުއްތު ދަރިފުޅު އައިރާއަށް ތިބޭފުޅުން ކުޑަ ނަމަވެސް މާލީ އެހީތެރިކަމެއް ދިނުމަށެވެ. އަދި ހެޔޮ ދުއާކޮށްދިނުމަށެވެ.

އިތުރު މައުލޫމާތު ސާފުކުރަން ބޭނުންވާ ބޭފުޅުން އައިރާގެ މަންމަ އައިޝަތު މަންސޫދާއަށް ގުޅުއްވުމަށް: 9427884

އައިރާ ބޭބީގެ ބޭރު ފަރުވާއަށް އެހީތެރިވާން ބޭނުން ފަރާތްތަކުން ތިރީގައި އޮތް އެކައުންޓްތަކަށް ފައިސާގެ އެހީތެރިކަން ފޯރުކޮށްދެވޭނެ އެވެ. އެގޮތުން:

ބީއެމްއެލް - ދިވެހި ރުފިޔާ އެކައުންޓް: 7730000037086 (އައިޝަތު މަންސޫދާ)

ބީއެމްއެލް - ޑޮލަރު އެކައުންޓް: 7730000675873 (އައިޝަތު މަންސޫދާ) 

0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް