މި ހަާދިސާގައި އަނިޔާވެފައިވަނީ 2 ދިވެހީންނާއި 2 ބިދޭސީންނަށް ކަމަށް ފާހަގަކޮށް ފުލުހުން ބުނީ އެ މީހުންނަށް އަނިޔާވިއިރު މަސައްކަތް ކުރަމުން ދިޔައީ ދޯންޏަކަށް ބިއްލޫރި ޝީޓްތަކެއް އެރުވުމަށް ކަމަށެވެ.
"ސީއެންއެމް" އަށް މައުލޫމާތު ދެމުން ފުވައްމުލައް ސިޓީ ހޮސްޕިޓަލުގެ އޮފިޝަލެއް ވިދާޅުވީ އަނިޔާވި މީހުނަށް ފަރުވާދެމުން ދާއިރު އެ 4 މީހުންގެ ތެރެއިން 1 ބިދޭސީއެއްގެ ހާލު ސީރިއަސްކަމަށާއި މިވަގުތު އޭނާ އޮތީ އައިސީޔޫގައި ކަމަށެވެ. އަދި އިތުރު ފަރުވާއަށް އޭނާ މާލެއަށް ގެނެއުމުގެ އިންތިޒާމް ހަމަޖައްސަމުން އަންނަކަަމަށްވެސް އޮފިޝަލު ވިދާޅުވިއެވެ. އޭގެ އިތުރުން އަނިޔާވި ދެ ދިވެހިންނަކީ 32 އަހަރުގެ މީހަކާ 42 އަހަރުގެ މީހެއްކަަމަށް ވެސް އޮފިޝަލު މައުލޫމާތު ދިނެވެ.
"ސީއެންއެމް" އަށް މައުލޫމާތު ދެއްވަމުން ފުވައްމުލައް ސިޓީ މޭޔަރު އިސްމާއީލް ރަފީގު ވިދާޅުވީ ކަމާބެހޭ ފަރާތްތަކާއި، ހެލްތް މިނިސްޓްރީއަާ ގުޅިގެން އައސިޔޫގައި އޮތް ބިދޭސީ މީހާ މާލެއަށް ގެނެއުމަށްޓަކައި ހަލުވިކަމާއި އެކު މަސައްކަތް ކުރަމުން އަންނަކަމަށެވެ.
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
