ޔޫއެސް އޯޕަން ކަޕް، އެލްއޭ އެފްސީން ނެގީ ތިން ލަނޑު އެއް ލަނޑުން ސްޕޯޓިން ކެންސަސް ސިޓީ ބަލިކޮށްގެނެވެ. މިދިޔަ ސީޒަނަށް ފަހު އޭސީ މިލާން ދޫކޮށްލުމަށްފަހު އެމެރިކާއަށް ބަދަލުވި އުމުރުން 37 އަހަރުގެ ޖިރޫވަނީ މި މެޗުގައި ލަނޑު ޖަހާފައެވެ.
ފްރާންސަށް 57 ލަނޑު ޖަހައި ރެކޯޑް އޮތް ޖިރޫވަނީ މިދިޔަ ޖުލައި މަހު ގައުމީ ޓީމަށް ކުޅުން ހުއްޓާލާފައެވެ. ޖިރޫއަކީ ފްރާންސްގެ ގައުމީ ޓީމަށް މިހާތަނަށް އެންމެ ގިނަ ގޯލު ޖަހައިދިން ކުޅުންތެރިޔާ އެވެ. އުމުރުން 37 އަހަރުގެ ޖިރޫވަނީ ފްރާންސްއަށް، މިހާތަނަށް 137 މެޗު ކުޅެ، 57 ލަނޑު ޖަހާފައެވެ. ޖިރޫ ގައުމީ ޓީމަށް އެންމެ ފަހުން ކުޅުނު މެޗަކީ، ޔޫރޯގެ ސެމީ ފައިނަލުގައި ސްޕެއިން އަތުން ފްރާންސް ބަލިވި މެޗެވެ. ޔޫރޯގައި ޖިރޫ ގިނައިން ފަށާފައިވަނީވެސް ބެންޗުންނެވެ.
ފްރާންސް އަށް އެންމެ ގިނަ ލަނޑު ޖަހައިދިން ކުޅުންތެރިޔާގެ ޝަރަފް ޖިރޫ ހޯދީ އެންމެ ފަހުން އޮތް ފީފާ ވޯލްޑް ކަޕުގަ އެވެ. އެއީ ކުރީގެ ފޯވާޑް ތިއެރީ އޮންރީ އަށް ވުރެ ގިނައިން، 52 ގޯލު ހަމަކޮށްގެންނެވެ.
ޖިރޫ އެންމެ ފުރަތަމަ ގައުމީ ޓީމަށް ކުޅުނީ 2011 ވަނަ އަހަރުއެވެ. އޭނާއަކީ 2018 ވަނަ އަހަރުގެ ވޯލްޑްކަޕް ކާމިޔާބު ކުރި ފްރާންސް ޓީމުގެ ކުޅުންތެރިއެކެވެ.
