މިބޯޓުގައި ދަނޑުވެރިކަމުގެ ބާވަތްތައް ރައްކާކުރުމާއި، ސޯލާ ޕަވާޑް ކޯލްޑް އެންޑް ޑްރައި ސްޓޯރޭޖް ފެސިލިޓީތަކާއި، ކްރޫއަށް އަރާމުކޮށްލަން ތިބެވޭ ކޮޓަރިތައް ވަނީ ފަރުމާކޮށްފަ އެވެ. މި ބޯޓު ފަރުމާކޮށްފައިވަނީ އިރުގެ ހަކަތައިން ކޯލްޑްސްޓޯރޭޖް ބޭނުން ކުރެވޭގޮތަށް ތިމާވެއްޓާއި އެންމެ ރައްޓެހި ގޮތަށެވެ. މި ބޯޓު ދަތުރުކުރުމަށް ހަމަޖެހިފައިވަނީ ލ. އަތޮޅުން މާލެއަށެވެ.
މިކަމުގެ ސަބަބުން ރާއްޖޭގެ ދަނޑުވެރިކަމުގެ ސިނާއަތަށް ބޮޑެތި ކުރިއެރުންތަކެއް ލިބޭނެ ކަމަށާއި ދަނޑުވެރިކަން ބޭނުންކޮށްގެން ހިދުމަތްދޭ އެހެނިހެން ދާއިރާތަކަށް ކުރިއެރުންތައް ލިބޭނެ ކަމަށް ސަރުކާރުން ގަބޫލުކުރެ އެވެ.
އެގްރޯނެޓުން މިބޯޓު ބަނުމުގެ މަސައްކަތް ހަވާލުކޮށްފައިވަނީ ފިކްސްއިން މެރިން ޕްރައިވެޓް ލިމިޓެޑާ އެވެ. މިއެއްބަސްވުމުގެ ދަށުން އެގްރޯނެޓުން ބަންނަ ފުރަތަމަ ބޯޓު ބަނދެފައިވާއިރު ދެވަނަ ބޯޓު ބަނުމުގެ މަސައްކަތް ދަނީ ކުރިއަށެވެ.
އެގްރި ބޯޓަކީ ޖަޕާނު ސަރުކާރުގެ އެހީގައި ޔޫއެންޑީޕީގެ ޕީޑީއެސްއޭއީގެ ދަށުން ބަންނަ ބޯޓުތަކެކެވެ. މިބޯޓް ފަރުމާކުރީ މޯލްޑިވްސް ޕޮލިސް ސާވިސަސްގެ މެރިން ޕޮލިސްއިން ނެވެ. މިމަސައްކަތަށް އިކޮނޮމިކް މިނިސްޓްރީއާއި އެގްރިކަލްޗަރ މިނިސްޓްރީގެ ފަރާތުން އެހީތެރިކަން ވަނީ ލިބިފަ އެވެ.
