ރައީސް އެކްސްގައި ކުރެއްވި ޕޯސްޓެއްގައި ވިދާޅުވީ އުމުރުން 13 އަހަރުގެ އަންހެން ދަރިވަރު ފާތިމަތު ޝިމާ މުހައްމަދު، ހުރަވީ ސްކޫލުގައި ތައުލީމު ހާސިލްކުރަމުން ދަނިކޮށް، ކުއްލި ގޮތަކަށް މިއަދު ނިޔާވި ހަބަރު އެމަނިކުފާނު އަޑު އެއްސެވީ ނުހަނު ފުން އަސަރާއި ކަންބޮޑުވުމާއިއެކު ގައި ކަމަށެވެ.
ލޮބުވެތި ދަރިވަރުގެ ބެލެނިވެރީންނަށާއި އާއިލާއަށް، އަދި ރަހްމަތްތެރީންނަށާއި އެކުގައި ކިޔަވާ ކުދީންނަށް، އަދި ހުރަވީ ސްކޫލުގެ ހުރިހާ ދަރިވަރުންނަށާއި މުވައްޒަފުންނަށް ކުރިމަތިވި މި އުނދަގޫ ވަގުތުގައި ކެތްތެރިކަން މިންވަރުކޮށް ދެއްވުމަށް އެދި އެމަނިކުފާނު ވަނީ ދުއާ ކުރައްވާފައެވެ.
އެ ކުއްޖާއަށް ސިއްހީ ހާލަތެއް މެދުވެރިވެގެން ހުޅުމާލޭ ހޮސްޕިޓަލަށް ގެންގޮސްފައިވާކަމަށް ފުލުހުންނަށް ރިޕޯޓްކޮށްފައިވަނީ މިއަދު ހެނދުނުގެ ވަގުތެއްގަިއ ކަމަށް ފުލުހުން ބުނެއެވެ. އަދި އެ ކުއްޖާ ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ހޮސްޕިޓަލުން ބުނެ އެވެ.
ޝީމާ ނިޔާވި ކަމަށް ވަނީ އިންޓަވަލުގަޑީގައި ކާން އިންދަ އެވެ. ނިޔާވީ ކޮން ކަމަކާ ގުޅިގެން ކަމެއް އަދި ނޭނގެ އެވެ. މިމައްސަލަ ފުލުހުން ދަނީ އިތުރަށް ތަހުގީގު ކުރަމުން ކަމަށް ވެސް ފުލުހުން ބުނެއެވެ.
