ކްރޯ މޯލްޑިވްސް އެލްއެލްޕީ އަކީ އޮޑިޓް، ޓެކްސް، އަދި އެޑްވައިޒަރީގެ ހިދުމަތް ފޯރުކޮށްދޭ ލީޑިން ޕްރޮފެޝަނަލް ހިދުމަތްދޭ ކުންފުންޏެކެވެ.
ކްރޯވްގެ ކޯ ފައުންޑަރު މިއަދު ފޭސްބުކް ޕޯސްޓެއް މެދުވެރިކޮށް ކުރި ޕޯސްޓެއްގައި ވިދާޅުވީ ޕްރައިވެޓް ހެލްތް އިންޝޫރަންސްއަކީ ސަރުކާރުގެ އިންޝޫރަންސްއާ ނުލާ ބިލާހެއްކަން އިންޝޫރަންސް ކުންފުނިތަކުން ބުނެދީފައިވާކަމަށެވެ. އަދި ރައްޔިތުން އިންޝޫރަންސް ކުންފުނިތަކަށް ދައްކަމުން ދަނީ ބޭކާރު ފައިސާއެއް ކަަމަށްވެސް ހަސަން މުހައްމަދު ވިދާޅުވިއެވެ.
އޭނާ މިހެން ވިދާޅުވެފައި މިވަނީ ސަރުކާރުން ޕްރައިވެޓް އިންޝޫރަންސްއަށް އިސްކަން ދިނުމުގެ ގޮތުން ގެނައި ބަދަލުތަކާ ގުޅިގެންނެވެ.
ސިއްހީ ހިދުމަތްދޭ މަރުކަޒުތަކުން ހިދުމަތް ހޯދާ ފަރާތްތަކުގެ ތެރެެއިން ޕްރައިވެޓް އިންޝޫރަންސް އޮންނަ ފަރާތްތަކުން ހޯދާ ހިދުމަތްތަަކަށް ބިލްކުރުމުގައި ޕްރައިވެޓް އިންޝުއަރަންސަށް އިސްކަންދިނުމަށް ހަަމަޖެހިފައިވާކަމަށް އެންސްޕާއިން ހާމަކޮށްފައިވަނީ މިދޔަ ބުރާސްފަތި ދުވަހުގައެވެ.
އޭގެ އިތުރުން އިންސުއަރަންސްގެ ޕެކޭޖްތަކުގެ ލިމިޓް ހަމަވުމުން ނުވަތަ އިންޝުއަރަންސް އިން އެ ހިދުމަތެއް ކަވަރު ނުކުރާނަމަ، މިހާރެކޭވެސް އެއްގޮތަށް އާސަންދަ ސްކީމުން އެހިދުމަތަކަށް ކަވަރޭޖް ލިބޭނެ ކަަމަށް އެންސްޕާއިން ބުނެއެވެ.
