ވާދަވެރި ކެމްޕެއިނަށް ފަހު އަންގާރަ ދުވަހު ވޯޓުލާން ފަށާފައިވާއިރު، މި އަހަރުގެ ރިޔާސީ އިންތިހާބުގައި ވާދަކުރައްވާ އެންމެ ވާދަވެރި ދެ ކެންޑިޑޭޓުން -- ކަމަލާ ހެރިސް (ޑިމޮކްރެޓިކް) އަދި ޑޮނަލްޑް ޓްރަމްޕް (ރިޕަބްލިކަން) އާ ދެމެދު މާ ބޮޑު ތަފާތެއް އޮތް ކަމަކަށް ހިޔާލު ހޯދުމުގެ ވޯޓުތަކުން ނުދައްކަ އެވެ.
ނަމަވެސް، އާންމުގެ ތެރޭގައި މަގުބޫލީ ކަމަލާ ހެރިސް އެވެ. ނަމަވެސް، ކަމަލާގެ ކިބާގައި ޓްރަޕްގެ ހުރި ވަރުގެ ސިޔާސީ ގާބިލުކަން ނެތުމަކީ ފަހަރެއްގައި ކަމަލާއަށް ވޯޓުން ތަފާތު ފެނިވަޑައިގެންފާނެ ކަމެކެވެ.
އެމެރިކާގެ އިންތިހާބުގައި ވާދަކުރައްވާ ކެންޑިޑޭޓުން:
ކަމަލާ ހެރިސް - ޑިމޮކްރެޓް
ޑޮނަލްޑް ޓްރަމްޕް - ރިޕަބްލިކަން
ކްލައުޑިއާ ޑި ލާ ކްރޫޒް - ސޯޝަލިސްޓް ޕާޓީ
ޖިލް ސްޓެއިން - ގްރީން ޕާޓީ
ކޯނެލް ވެސްޓް - މިނިވަން ކެންޑިޑޭޓް
ޗޭޒް އޮލިވާ - ލިބެރޭޝަން ޕާޓީ
އެމެރިކާގެ އެކި ސްޓޭޓުތަކުގައި ޓައިން ޒޯން ތަފާތުވުމުން، އެކި ސްޓޭޓުތަކުގައި ވޯޓުލާން ފަށާ ގަޑި ތަފާތެވެ. މިއަދު ރާއްޖެ ގަޑިން 15:00ގައި ބައެއް ސްޓޭޓުތަކުގައި ވޯޓުލާން ފަށައިފައިވާއިރު، އެންމެ ފަހުން ވޯޓު ފޮށިތައް ބަންދުކުރާނެ ކަމަށް ބެލެވެނީ އަލަސްކާގަ އެވެ.
