އުމުރުން 40 އަހަރާ ގާތްވެފައިވާ ލެބްރޯން ޖޭމްސް މި ހަފްތާގައިވަނީ ޖެހިޖެހިގެން ތިން ޓްރިޕަލް ޑަބަލް ހެދި އެންމެ ދުވަސްވީ ކުޅުންތެރިޔާގެ ރެކޯޑް ހަދާފައެވެ. އޭނާ އެ ރެކޯޑް ހެދީ މެމްފިސް ގްރިޒްލީސް އަތުން 128-123 އިން މޮޅުވި މެޗުގައެވއެ. އެކަމަކު މެޗަށް ފަހު އެންބީއޭގެ ސުޕަސްޓާ ވަނީ އޭނާ ރިޓަޔާ ކުރަން ތައްޔާރުވަމުން އަންނަކަމުގެ އިޝާރާތެއް ކޮށްފައެވެ.
ތެދަށް ބުނާނަމަ، އަހަރެން މާ ގިނަ ދުވަހަކު ދެން ނުކުޅޭނަން. އެކަމަކު ހުއްޓާލާނީ ސީދާ ކޮން އިރަކު ކަމެއް ނޭނގޭ އެކަމަކު، އަހަރެންނަށް ވާދަވެރިކަމާއެކު ނުކުޅެވޭނެ ކަމުގެ އިހުސާސް ކުރެވެން ފަށާއިރަށް ކުޅުން ހުއްޓާލާނަން"
އަންނަ މަހު 40 އަހަރު ފުރޭ ޖޭމްސް އަކީ އަދިވެސް ލީގުގެ އެންމެ މޮޅު އެއް ކުޅުންތެރިޔާ އެވެ. އެމެރިކާގެ ބާސްކެޓްބޯޅަ ލެޖެންޑް ލެބްރޯން ޖޭމްސް އަކީ ދުނިޔޭގެ ފުރަތަމަ ބާސްކެޓްބޯޅަ ބިލިއަނަރުވެސް މެއެވެ.
