ނެޝަނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްއޭ) ބުނީ ނ. މާފަރުގައި ފެންބޮޑުވެފައިވާކަމަށެވެ. ރަށު ކައުންސިލާއި، ފުލުހުންނާއި އަދި އެމް.އެން.ޑީ.އެފް ގެ އެހީތެރިކަމާއެކު، ޕަންޕް ބޭނުންކޮށްގެން ރަށު ތެރެއިން ފެން ހިންދުމުގެ މަސައްކަތްދަނީ ކުރަމުން އަންނަކަމަށް އެންޑީއެމްއޭއިން ބުނެއެވެ.
މާފަރުގައި ފެންބޮޑުވެފައި
އެ އިދާރާއިން ބުނީ މާފަރުގައި ފެންބޮޑުވެ 5 ގެއަކަށް ފެން ވަދެފައިވާކަމުގެ ރިޕޯޓް ލިބިފައިވާކަމަށެވެ. އަދި އޭގެތެރެއިން އެއް ގެއަކުން މީހުން ބަދަލުކޮށްފައިވާކަށް މާފަރު ކައުންސިލާއި ހަވާލާދީ އެންޑީއެމްއޭއިން ބުނެއެވެ.
މާފަރުގައި ބޮޑުވި ފެންގަނޑު ހިންދުމުގެ މަސައްކަތުގައި ހަރަކާތްތެރިވަނީ
މެޓް އޮފީހުން ބުނީ ކުރިއަށް އޮތް ފަސް ދުވަހު ވެސް މުޅި ރާއްޖެއަށް މޫސުން ގޯސް ވާނެ ކަމަށް ލަފާކުރެވޭކަަމަށެވެ. އަދި އެންމެ ބޮޑަށް ވިއްސާރަ ކުރާނެ ކަމަށް ލަފާކުރެވެެނީ މެދު ރާއްޖެތެރެއަށާއި އުތުރުގެ އަތޮޅުތަކަށް ކަމަށެވެ.
