ކެބިނެޓަށް އެއްވެސް ބަދަލެއް ގެންނަވަން ރައީސް ނިންމވާފައި ނުވާކަމަށް ތަރުޖަމާނު ހީނާ މި ވިދާޅުވީ ކެބިނެޓަށް ބަދަލުތަކެއް އަންނަކަމަށް ބުނެ ސޯޝަލް މީޑިއާގަައި ވާހަކަތައް ދައުރުވާން ފެށުމުންނެވެ.
ރައީސް ޑރ މުއިއްޒުގެ ކެބިނެޓަށް މިހާތަނަށް ބަދަލެއް ގެންނެވީ އެންމެ ފަހަރަކުއެވެ. އެ ފަހަރުވެސް ބަދަލު ގެންނަވާފައިވަނީ ފިނޭންސް މިނިސްޓަރުކަމުގެ މަގާމުގައި ކުރިން ހުންނެވި ޑރ. މުހައްމަދު ޝަފީގު އެ މަގާމުން އިސްތިއުފާދެއްވުމުންނެވެ. އޭނާ މަގާމުން ިއސްތިުއފާ ދެއްވީ މިއަހަރުގެ ސެޕްޓެމްބަރު މަހުގެ 30 ވަނަދުވަހުއެވެ.
އެއާއި އެކު ރައީސް މުއިއްޒު ވަނީ ކެބިނެޓަށް ބަދަލު ގެންނަވާފައެވެ. އެގޮތުން ފޮރިން މިނިސްޓަރަކަށް ހުންނެވި މޫސާ ޒަމީރު ފިނޭންސް މިނިސްޓަރުކަމަށް އައްޔަނުކުރައްވާ ހެލްތް މިނިސްޓަރަކަށް ހުންނެވި ޑރ. އަބްދުﷲ ހަލީލް ފޮރިން މިނިސްޓަރުކަމަށް ބަދަލުކުރެއްވިއެވެ. އަދި ހެލްތު މިިނިސްޓަރަކަށް އައްޔަން ކުރެއްވީ ރައީސް އޮފީހުގެ މިނިސްޓަރުގެ ގޮތުގައި ހުންނވި އަބްދުﷲ ނާޒިމް އިބްރާހިމްއެވެ.
