Advertisement

މި މައްސަލައިގައި ހައްޔަރުކުރެވުނު ފަސް މީހުންނަކީ 21 އަހަރާއި 56 އަހަރާ ދެމެދުގެ އުމުރުފުރައިގެ ބައެކެވެ. އެމީހުން ދަތުރުކުރަމުން ދިޔަ "އަށެންޕުތަ" ނަމަކަށް ކިޔާ މަސްބޯޓު ހިފީ ހދ. މަކުނުދޫ ސަރަހައްދުންނެވެ. އެ ބޯޓުން ފެނުނު މަސްތުވާތަކެތީގެ ތެރޭގައި 344 ކިލޯގެ ކްރިސްޓަލް މެތާއި 124.6 ކިލޯގެ ކޮކެއިން ހިމެނެއެވެ.

ފުލުހުން ބުނާ ގޮތުގައި މި މަސްތުވާތަކެތީގެ އަގު އެއް ބިލިއަން ރުފިޔާއަށް އަރައެވެ. މި މައްސަލައިގެ ތަހުގީގު ކުރިއަށް ގެންދަނީ ފުލުހުންގެ ޑްރަގް އެންފޯސްމަންޓާއި ކުޅުދުއްފުށި ސިޓީ ޕޮލިސް ގުޅިގެންނެވެ.

މި މައްސަލައިގައި ކުރިން ހދ. ކުޅުދުއްފުށި މެޖިސްޓްރޭޓް ކޯޓުން ވެސް ވަނީ 30 ދުވަހުގެ ބަންދު އަމުރެއް ނެރެފައެވެ. އެ މުއްދަތު ހަމަވުމާ ގުޅިގެން އިތުރު 30 ދުވަހަށް ބަންދުކުރުމަށް ކްރިމިނަލް ކޯޓުން ވަނީ އަމުރުކޮށްފައެވެ.

• ސްރީލަންކާގެ ފަސް ރައްޔިތުން 30 ދުވަހަށް އިތުރަށް ބަންދުކުރި
• އަތުލައިގަތް މަސްތުވާތަކެތީގެ ޖުމުލަ ބަރުދަނަކީ 468.6 ކިލޯ
• މަސްތުވާތަކެތީގެ އަގު އެއް ބިލިއަން ރުފިޔާއަށް އަރާ
• މައްސަލަ ތަހުގީގުކުރަނީ ޑްރަގް އެންފޯސްމަންޓާއި ކުޅުދުއްފުށި ސިޓީ ޕޮލިސް ގުޅިގެން
• މީގެ ކުރިން ވެސް 30 ދުވަހުގެ ބަންދު އަމުރެއް ނެރެފައިވޭ