މި ހަރަކާތުގައި ރަށުގެ އެކި ސަރަހައްދުތަކުގައި ރައްޔިތުންނާ ބައްދަލުކޮށް، ކުށްތަކުން ރައްކާތެރިވުމަށް އަޅަންޖެހޭ ފިޔަވަޅުތަކާ ގުޅޭ މުހިންމު މަޢުލޫމާތު ހިއްސާކޮށްފައިވެއެވެ.
ފުލުހުން މި ހަރަކާތުގައި އިސްކަމެއް ދީފައިވަނީ ސޯޝަލް މީޑިއާގެ ރައްކާތެރިކަމާއި، ވިޔަފާރީގެ މުއާމަލާތްތަކުގައި ސަމާލުވާންޖެހޭ ކަންކަމަށެވެ. މިގޮތުން ސޯޝަލް މީޑިއާގެ އެޕްތަކުގައި ޓޫ ފެކްޓާ އޯތަންޓިކޭޓަރާ ބޭނުންކުރުމުގެ މުހިންމުކަމާއި، އިންޓަނެޓް ރައްކާތެރިކޮށް ބޭނުންކުރާނެ ގޮތްތަކުގެ މަޢުލޫމާތު ރައްޔިތުންނާ ހިއްސާކޮށްފައިވެއެވެ.
ގެމަނަފުށީ ޕޮލިސް ސްޓޭޝަނުން ބުނީ މި ހަރަކާތަށް ރައްޔިތުންގެ ފަރާތުން ވަރަށް ފުރިހަމަ އެއްބާރުލުމެއް ލިބިފައިވާ ކަމަށެވެ. އަދި ރައްޔިތުންގެ ކަންބޮޑުވުންތައް އޮޅުންފިލުވައި، ފުލުހުންގެ ހިދުމަތާމެދު ރައްޔިތުން ދެކޭގޮތް ދެނެގަތުމަށް މި ހަރަކާތުން މަގުފަހިވެގެން ދިޔަ ކަމަށްވެސް ބުންޏެވެ.
މި ހަރަކާތަކީ ރައްޔިތުންނާއި ފުލުހުންނާ ދެމެދު އޮންނަ ގުޅުން އިތުރަށް ބަދަހިކޮށް، މުޖުތަމައުގެ ރައްކާތެރިކަން އިތުރުކުރުމަށް ކުރިއަށް ގެންދިޔަ ހަރަކާތެކެވެ.
