ވިލުފީ ކައުންސިލުން މިއަދު ކަމުގެ ހަގީގަތް ބަޔާންކޮށް ނެރުނު ބަޔާނުގައި ބުނީ، މި ބުރާސްފަތި ދުވަހު، ރޭގެ ވަގުތެއްގައި ފޭސްބުކް ޕޭޖެއްގައި ސަރުކާރާ، ކައުންސިލާއި، އެރަށު ސްކޫލު ބަދުނާމުވާގޮތަށް ފެތުރި ވީޑިއޯ އަކީ ކަމުގެ ހަގީގަތް އޮޅޭގޮތަށް މިދިޔަ އަހަރުގެ އޮކްޓޫބަރު މަހުގެ 24 ވަނަ ދުވަހުގެ ވީޑިއޯއެއް ކަމަށެވެ.
މީގެ ކުރިންވެސް އެކި އެކި އިޖުތިމާއީ ހަރަކާތްތައް އެ މާލަމުގައި ކުރިއަށްގެންގޮސްފައިވާކަމަށް ވެސް ކައުންސިލުން ބުނެއެވެ،
އެ މާލަމަކީ ކުރިން އަންހެނުން ނަމާދުކުރިން ބޭނުންކުރި ތަނެއް ނަމަވެސ،ް މިހާރު އަންހެނުން ނަމާދުކުރަނީ "މަސްޖިދުލް އުމަރު ފާރޫގު" ގެ މަތީބައިގައި ޕާޓިޝަން ޖަހައިގެން ހަދާފައިވާބައެއްގައި ކަމަށް ވެސް ކައުންސިލުން ބުނެއެވެ. އަދި ނަލަ މާލަމުގައި މިހާރު އަޅާފައިވާ ކާޕެޓަކީވެސް ކުރިން މިސްކިތުގައި އަޅާފައިވާ ކާޕެޓެއްކަމަށް ވެސް އެ ކައުންސިލުން ބުނެއެވެ.
ނަމަވެސް ޓީޗަރުން ކުރާ ބުރަ މަސައްކަތުގެ އަގުވަޒަންކުރުމަށް ކައުންސިލުން ބޭއްވި ހަފްލާއެއްގެ ތަންކޮޅެއް ނަގައިގެން ކަމުގެ ހަގީގަތް އޮޅޭގޮތަށް އޭގެއަށް މިއުޒިކް އަޅައިގެން ރައްޔިތުންގެ މެދުގައި ސަރުކާރާއި، ކައުންސިލާއި އަދި ސްކޫލުގެ އަގު ވައްޓާލައި ނަފްރަތު އުފެއްދުމަށް މިފަދަ ކަންކަން ކުރުމަކީ ހިތާމަކުރާކަމެއްކަމަށް ވެސް ބަޔާނުގައި ބުނެފައިވެއެވެ.
ކައުންސިލުން މިހެން ބުނި ނަމަވެސް، މިސްކިތެއްކަމަށް ބެލޭ ތަނެެއްގައި ކުޅިވަރު ކުޅުނު މައްސަލަ ބަލަމުން އަންނަކަމަށާއި އެކަމުގައި ފިޔަވަޅު އަޅާނެކަމަށް އިސްލާމިކް މިނިސްްޓްރީން މިއަދު ވަނީ ބުނެފައެވެ.
