އެފްއެންޑްބީ ޝޯ އިފުތިތާހުކޮށް ދެއްވީ ނައިބު ރައީސް ހުސެއިން މުހައްމަދު ލަތީފެވެ. އޭގެ ފަހުން، ނައިބު ރައީސް ވަނީ އެކި ސްޓޯލްތަކަށް ޒިޔާރަތް ކުރައްވައިފަ އެވެ.
ހައިރައިޒްއިން ބުނީ ރޯދަމަހަށް ހާއްސަކޮށް ތައްޔާރުކުރާ ކާބޯތަކެއްޗަށް އަމާޒުކޮށް ކުރިއަށްގެންދާ މި ޝޯގެ މަގުސަދަކީ، ކާބޯތަކެތީގެ މައުލޫމާތު އެއްތަނަކަށް ޒިޔާރަތްކޮށްގެން ކަސްޓަމަރުންނަށް ލިބުން ކަމަށެވެ.
އެގޮތުން ޕްރޮޑަކްޓް ގަތުމުގެ ކުރިން އެ ޕްރޮޑަކްޓަކާ ގުޅޭ އަގުހުރި މައުލޫމާތު މި ޝޯގެ ތެރެއިން ކަސްޓަމަރުންނަށް ލިބިގެންދާނެކަމަށް ހައިރައިޒް އިން ވަނީ ބުނެފަވެ އެވެ.
ރޯދައާ ދިމާކޮށް ހައިރައިޒްއިން ކުރިއަށްގެންދާ އެފްއެންޑްބީ ޝޯ އިއްޔެ ފެށުން -- ފޮޓޯ/ ހައިރައިޒް
އަންނަ އާދިއްތަ ދުވަހުގެ ނިޔަލަށް ބާއްވާ އެ ޝޯގައި އެކި ކުންފުނިތަކުން ވިއްކާ ބްރޭންޑުތަކާއި އެކި ވިޔަފާރިތަކުގެ އުފެއްދުންތައް ތަޖުރިބާކުރުމުގެ ފުރުސަތު ލިބޭނެ އެވެ. އެކި ވިޔަފާރިތަކުގެ އުފެއްދުންތައް ވެސް ހެޔޮ އަގުގައި ގަންނަން ލިބޭނެ އެވެ.
މިއަހަރުގެ އެފްއެންޑްބީ ޝޯގައި އެކި ކުންފުނިތަކުގެ އިތުރުން ކުދި ވިޔަފާރިތަކާއި ރެސްޓޯރަންޓުތަކުން ވިއްކާ ކާބޯތަކެތީގެ ރަހަ ތަޖުރިބާ ކޮށްލުމުގެ ފުރުސަތު ލިބޭނެ އެވެ.
ހުޅުމާލޭގެ ސެންޓްރަލް ޕާކުގައި ކުރިއަށްދާ މި ޝޯ އޮންނާނީ ހަވީރު 4 އިން 6 އަށް އަދި ރޭގަނޑު 8 އިން 11 އަށެވެ.
