Advertisement

ފުލުހުން ބުނީ ތަހުގީގުކުރަމުން އަންނަނީ ސިހުރު ހެދުމަށްފަހު ތ. ވިލުފުށީ ކެފޭއެއް ކުރިމައްޗަށް އެއްޗެހިތަކެއް އެޅި މައްސަލައެއްކަމަށެވެ. 

ފުލުހުން ބުނީ މި މައްސަލަ އެ އިދާރާއަށް ރޭ ދަންވަރު 12:05 ހާއިރު ރިޕޯޓްކޮށްފައިވާކަމަށެވެ. އެހެންނަމަވެސް މި މައްސަލާގައި މިހާތަނަށް މީހަކު ހައްޔަރުނުކުރާކަމަށް ފުލުހުން ބުނެއެވެ.

ސިހުރު ހެދި މައްސަލައެއް ބަލަމުން ދިޔަކަމަށް ފުލުހުން ބުނިނަމަވެސް މިކަން ކޮށްފައިވަނީ ވިލުފުށީ ކޮން ކެފޭއެއްގެ ކުރިމައްޗަށް ފުލުހުން ނުބުނެއެވެ. 

ސިހުރު ހަދާކަމުގެ ތުހުމަތުގައި ދާދި ފަހުން ފުުލުހުން ވަނީ ރ މީދޫއާއި އެ އަތޮޅު އަލިފުއްޓަށް ދާދި ފަހުން އަރާފައެވެ. އަދި ސިހުރުގެ ސަބަބުން ހއ. ކެލާގައި މީހުން  ބަލިވިކަމަށް ތުހުމަތުކުރާތީ ގިނަ އަދަދެއްގެ ފުލުހުން އެ ރަށަށްވެސް ވަނީ ދާދި ފަހުން އަރާފައެވެ.